الهي ملجأي

[walaa farouk]

"أَقُولُ لِلرَّبِّ: «مَلْجَإِي وَحِصْنِي. إِلهِي فَأَتَّكِلُ عَلَيْهِ»." (مز 91: 2)


في وسط زحمة الدنيا وتعبها وظلمها بنحتاج نفتكر إن لينا "ملجأ"

نفتكر قوة إلهنا وإن احنا ينفع نحتمي فيه ونتكل عليه،

ولو فكرنا في معنى الملجأ فا مش هنلاقيه مجرد مكان مبني من حيطان بيعيش فيه الأطفال اللي فقدوا أبائهم لكنه كمان ليه معاني تانية:

الملجأ حصن ومعقل وملاذ،
الملجأ مكان حصين يعد في المدن تحت البنايات أو تحت الأرض لالتجاء السكان إليه في أثناء الغارات الجوية العادية أو الذرية.
الملجأ مكان في الجبال يلجأ إليه السياح أو المتزلجون على الثلج أو غيرهم.

لما بنقول إن الله هو الملجأ لينا يعني هو المكان اللي ينفع نروحله وقت الضيق ووقت التعب والإرهاق والخوف والخطر،
مأوى وقت التوهان والضعف وقلة الحيلة..

بحق قال: "ملجأي"؛ إذ يوجد مضطهدون كثيرون، وأنت وحدك ملجأي. توجد جراحات كثيرة، وأنت وحدك الطبيب (القديس جيروم)