|
 |
 |
 |
|
|
|
رقم المشاركة : ( 1 )
20 - 10 - 2020, 01:34 PM
|
|||||||||||
|
|||||||||||
 ١ : يسوع ده خادم رائع وممتع . ٢ : بس من الناصرة المنطقة البيئة . ١ : ومالك بمنطقته ؟! استمتع بكلماته الرائعة ٢: ماهو كلماته الرائعة وسطها بيكسر ناموس موسي . ١ : لا خالص هو قال انه جاي يكمل مش جاي ينقض ٢ : لأ .. ماهو لازم يقول كدة ويدافع عن نفسه . ١ : طب يا سيدي سيبك من كلماته .. استمتع بسلطانه ضد الارواح الشريرة ٢ : سلطان !! سلطان ايه .. قواته دي بيعملها ببعلزبول . ١ : ازاي بس يا أخي هيخرج ناس عليها بعلزبول ببعلزبول .. انت فاهم انت بتقول ايه ؟؟ ١ : طب سيبك من ده كله .. استمتع بمعجزاته . روح شوفه وهو بيقيم موتي و بيشفي عرج وبيقوم مشاليل ٢ : بيعمل ده يوم سبت .. يبقي ازاي امشي وراه ! ١ : يعني انت سيبت الامور الالهية العظيمة دي ومسكت في انها يوم سبت . ١ : النهاردة بيقولوا هيوعظ علي جبل الزيتون .. انا هروح احضرله .. تيجي معايا؟ ٢ : لأ طبعا .. محضرش لمجدف . ١ : مجدف !! طب انت سمعت له كام موعظة ؟ ٢ : ولا سمعت له حاجة ولا هسمع له . ١ : طب اتقابلت معاه قبل كدة وشفت حضوره ؟ ٢ : متقابلتش ولا هتقابل .. بيقولوا اصلا انه مغرور . ١ : يعني لا سمعت له ولا شفته ولا قابلته غريبة امال جايب أحكامك دي كلها منين ؟؟ ٢ : معلمنا قيافا قال انه مجدف وبه بعلزبول . ١ : طب وانت فين عقلك انت و تمييزك انت ؟ ٢ : انت كمان بتشكك في معلمنا قيافا .. انت شكلك جنيت علي نفسك .. ابقي خلي الناصري ينفعك !! شالوم . ((ومازال هذا الحوار قائم الي الان )) 
|
 |
| أدوات الموضوع | |
| انواع عرض الموضوع | |
|
العرض المتطور