شخصيات كتابية نتعلم منها (مردخاي )

[walaa farouk]

مردخاي
ورد في سفر أستير وكان ليه دور كبير في وصول أستير لعرش المملكة
معنى اسمه ملك الإله مردك
تعالوا ندخل لأعماق شخصيته ونشوف هنتعلم ايه
1- مردخاي الأب
كان مربي لطفلة يتيمة وعاملها كأب ولم يطمع فيها أو يستغلها لكنه عاملها زي بنته
وغرس فيها الفضيلة والعفة والتمسك بالشريعة
2- مردخاي الأمين
كان من أهل السبي يعني الملك عدو بلده لكنه لما سمع ان في خيانة
من بغثان وترش حارسا الباب وعايزين يقتلوا الملك اخبر أستير الملكة والملكة اخبرت الملك
في سفر أستير الأصحاح الثاني
3- مردخاي المهتم بشعبه
لما سمع بمكيدة هامان بقتل كل اليهود كان ممكن انه يسكت
ويعلم أستير انها تتوسط ليه وليها عند الملك وماكانش ماتوا
لكن من اهتمامه بشعبه كلم استير انها تعمل حاجة لانقاذ شعبها وصام ولبس المسوح (ثياب الحزن)
تعالوا نطبق اللي اتعلمناه
1- كن دايما أب أو أم في الرعاية حتى لو ربنا لم يسمح لك بالإنجاب
يكفيك ان الله يعطيك عطف في قلبك أكتر من اللي انجبوا أطفال
ويعطيك حب من الأطفال أكتر من والديهم
2- كن أمين في معاملتك وفي شغلك حتى لو كانوا على خلاف معاك
وتذكر ان الأمين في القليل أمين في الكثير
3- اهتم بأسرتك وبيتك وبلدك لأنك غير منعزل عنهم
اطلب دايما سلام البيت وسلام البلاد
صلي من أجل بلدك انه يحفظها بسلام على الدوام