الهوس : mania

walaa farouk · رقم المشاركة : ( 1 ) 13 - 07 - 2020, 11:03 AM

بيظهر عند ناس كتير وعادة بنشوفها في البدايه أثناء فترات تغير المناخ أو بعد الضغوطات النفسيه القويه زي الثانويه العامه أو الجيش أو مع وفاة شخص عزيز وساعات بيبقى مع تعاطي المواد المخدره وخصوصا مخدر الحشيش ....
نوبات الهوس دي لما بتحصل بنلاقي الشخصية بتتغير تماما في خلال أيام لدرجه بتخلينا نظن إن ده مس شيطاني وده ﻹننا مش عارفين تفسير واضح للتغير الكبير اللي بيحصل ده !!!
مره واحده بنلاقي ابننا تظهر عليه الأعراض دي نتيجه لتغير في بعض النواقل العصبيه بالمخ فنبدأ نلاقي الشخص دا حياته كلها تنقلب تماما خلال أيام لدرجة إن حياته الوظيفيه أو الدراسيه وكمان علاقاته اتأثرت !!
للأسف هتبدأ تحس كأنه شخص مجنون أو متعاطي مخدرات ...

..

.اعراض الهوس .....

1- مش عايز ينام وممكن يقضي يوم أو يومين بدون نوم أو ينام فقط ساعه أو ساعتين ...
يظهر عليه مزاج عالي جدا وسعيد أو مزاجه يكون سهل الاستثارة فيتعصب بدون أي سبب !!!
2- تلاقيه واثق في نفسه بزيادة وساعات يوصل معاه لدرجة إنه بيكون شايف نفسه من أهم الشخصيات في البلد أو من أكثرهم ذكاءً لدرجة إن بعضهم ممكن يبدأ يحس إن هو المهدي المنتظر أو حتى نبي !!

3- بنلاقي كلامه بيزيد جدا ويبدأ يحكي في تفاصيل ويفتكر ذكريات قديمه جدا ومش بيحرج تماما في إنه يحكي تفاصيل سريه جدا وتلاقي بيخش من موضوع لموضوع بدون أي مبرر .

4- ممكن يصرف فلوس كتير جدا في الفترة دي

5- كمان مع اﻷعراض دي بيزيد النشاط الجسدي بصوره كبيره جدا فتلاقي حركته تزيد وبيكون عايز يروح ويجي ويسافر ﻷماكن بعيده وتلاقيه حابب يخش في مشاريع كتير المشكله دي إنها تعرف الحل .

Haia · 02 - 08 - 2020, 04:47 AM

إفادة رائعة
ربنا يحمى الجميع من هذا المرض الصعب

walaa farouk · 04 - 08 - 2020, 08:47 PM

ميرسى على مرورك الغالى الهوس : mania