|
 |
 |
 |
|
|
|
رقم المشاركة : ( 1 )
06 - 06 - 2020, 10:01 PM
|
|||||||||||
|
|||||||||||
 كان الكل بيتكلم عن الشمس انا يمكن مكنتش اعرفها بس كنت بحس بالدفا لما بتطلع.. يمكن كتير حكولي عن الزهور عن الشجر.. اه مكنتش شايفهم لكن شميت عبيرهم ولمستهم ... مش هكدب عليكم كان نفسي اشوف كل ده .. حتي ابويا و امي.. حتي ملامحي مش عارف اوصفها ... بس انا كنت يائس انا اصلي مولود كده .. احس بس لكن مشوفش.. معدتش ليا اصحاب والكل بعد عني.. وساعتها قدرت قيمة ان يكون لك عنين... في مجتمعي زمااان اوي كان اي حد فيه عيب ما يبقي لازم يكون خاطي او يكون ده عقاب .. يمكن لان كانت العلاقه بينا وبين السما في حالة خصام مستمر .. كلنا كنا مستنيين المسيا اللي هيصلح كل ده اللي هيبدأ عهد جديد عهد النعمه عهد الحب... و في يوم مر جمع كتير.. الجمع اللي دايما ماشي ورا يسوع الناصري.. اكيد سمعتم عنه طبعا محدش ميعرفوش معجزات معجزات في كل مكان جموع ملهاش عدد يشبعها من سمكتين يقوم اموات... فكرت كتير يكون هو المسيا.. ولكن لان كل ده بالسمع قررت مااصدقش الا لو شفت .. بس انا عمري ما هشوف .. انا مش بس اعمي انا مولود اعمي من غير عنين .. مش محتاج للشفا انا محتاج لحد يخلق ليا عنين ... مش محتاج نبي محتاج ربنا ... ومر يسوع وتلاميذه سمعتهم بيسألوا زي كل الناس خطيته ايه جرحوني بكلامهم واستنيت اسمع يسوع هيقول ايه يسوق قال كلام لمس قلبي مش قادر اصدق يعرفني منين علشان يدافع عني بثقه وعرف منين اهلي كمان .. و حسيت بنفسه فوقفت وكأنه وطي علي الارض وبعدين تفل عليها ومسك طين وحطه علي عيني عنده قوه عجيبه خلتني واقف مستني وقالي روح اغتسل في بركة سلوام.. جريت معرفش ليه جريت وجريت وجريت كنت حاسس بقوه خرجت منه لمستني هزتني .. مين يسوع انا ليه سمعتله ليه رايح ناحية البركه بتكعبل بقع ..واقوم واسأل انا تهت ولا في طريقي للبركه واخيرا رجلي لمست الميه وصلت وصلت غسلت عنيا انا شايف انا عندي عنين بصيت في الميا شفت ملامحي بصيت حوليا اكيد دول الشجر ودي الورود بصيت فوق لسعتني الشمس وشفتها والسما والسحاب... انا شايف جريت قلت للكل ابويا وامي خافو علشان اللي شفاني يسوع ... و الفريسيين كانوا مضايقين منه.. سبتهم وفضلت الف اتفرج علي وشوش الناس كتير قالو اني مش انا مصدقوش ... انا مكنش هاممني حد كنت بدور عليه في كل حته كنت بدور علي اللي شفاني ... وقابلت الفريسيين قالولي ده خاطي متتكلمش عنه قلتلهم محدش خلق عنين قبل كده لحد.. قولو اللي تقولوه انا كنت اعمي والان ابصر ... واخيرا قابلته قاللي بتؤمن بالمسيا المخلص سألته مين ؟؟؟ و انا اؤمن فورا .... سألته وانا كنت عارف الاجابه .. قالي انا قلتله اؤمن.. ومن يومها وانا بلف في كل مكان ابشر بخلاصه كنت مليان بالعيوب واليأس وخلقني من جديد بحب ملوش مثيل.. انا كنت اعمي والان ابصر ده ملخص حكايتي 
|
 |
| أدوات الموضوع | |
| انواع عرض الموضوع | |
|
العرض المتطور