|
 |
 |
 |
|
|
|
رقم المشاركة : ( 1 )
30 - 05 - 2020, 08:10 PM
|
|||||||||||
|
|||||||||||
 كلنا بلا إستثناء عندنا إحتياج فِطري دائم إسمه " الشَوَفان " ,الشَوَفان إحتياج إنساني طبيعي جدا جوه كل شخص مننا .. ! من وانت لسه طفل بيكون جوّاك الإحتياج ده , تفضل تصرَّخ و تهد الدنيا لو ملقيتش حد جنبك أو باصصلك و مدّيلك إهتمام , و تكبر و يكبر معاك الإحتياج ده و يفضل ملازمك طول عمرك , بس مابينفعش تصرَّخ و تعيَّط علشان انت كبرت دلوقتي !! انت محتاج تحس انك مِتشاف كويس , و مِتشاف من جوه أوي , مِتشاف من أعماقك زي ما انت كده , محتاج تحس إن وجودك له قيمة , تحس إن اللي بتعمله مِتشاف و متقدَّر و بيفرق , محتاج تحس إن نجاحك له قيمة و مسمَّع , محتاج يتصقَّفلك لما تعمل حاجة صح , يتقالك إن شكلك حلو من وقت للتاني , تسمع و تشوف إنك مُهم , إنك تكون عايش في دايرة قبول من المُحيطين بيك " سواء أهلك أو أصحابك أو زمايلك في الشغل أو غيره .. " رغم عدم إكتمالك و معرفتهم و إدراكهم لـ ده . محتاج من اللي قدامك يكون مُدرك و شايف ان الحاجات اللي بتعملها انت مش مُلزم بيها , لكن بتعملها علشان انت من جوّاك عايز و حابب تعملها , يمكن تكون مبتعملش حاجات فظيعة و اللي هو مافيش حد في الدنيا بيعملها غيرك , بالعكس بتعمل حاجات بسيطة جدا بس بـ طاقة حب تساع الكون ، بتعمل حاجات بسيطة جدا بس محيلتكش غيرها في إيديك تعمله , بتعمل حاجات بسيطة بكل اللي فيك و كل اللي عندك . و رجاء يعني حسسوا اللي حواليكم إنهم مِتشافين , مُهمين , فارقين معاكم و وجودهم له قيمة , قولولهم ده بشكل مباشر أو غير مباشر، بحاجة كنت عارف انه نفسه فيها , بكلمة في جواب بخط إيدك , بحضن , بصوت مسموع , بأي شكل الطرق كتير و مش هتغلبوا انكم تلاقوا طريقة . و انت لو مش حاسس إنك مِتشاف من اللي حواليك , أطلب ده , أطلب ده بمنتهي الوضوح , قول إنك عايز تحس إنك مهم و وجودك له قيمة , قول إنك مش حاسس إنك مِتشاف . راعوا مشاعر و إحتياجات بعض علشان مافيش وقت و الدنيا فعلاً مش مضمونة بأي شكل . 🌿 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| كلنا محتاجين فرحه |
| كلنا محتاجين حد يسمعنا |
| محتاجين لك كلنا |
| كلنا محتاجين حضن.. |
| ترنيمة محتاجين لك كلنا |
العرض المتطور