زوّادة اليوم: لغة العيون : 3 / 5 / 2020 /

[souad jaalouk]

زوّادة اليوم: لغة العيون

بيقول القدّيس يوحنّا التبايسي: "العين الشرّيرة تلبس منظار الشرّ فلا ترى سواء في كل شيء حتّى في أعظم القدّيسين أمّا العين البسيطة فترى جمالا في كل مخلوق ولو كان لصّاً في لحظات إعدامه!"
اليوم كل الناس حاطّين كمّامات. هالكمّامات غير انها شكل من الوقاية من كورونا بتخبّي جزء من وجه الناس. هالوج اللي ما بقا يبيّن اذا عم يضحك، اللي ما بقا ينعرف اذا مبتسم، اذا تمتم... بس ما تنسو انّو الكمّامة ما بتخبّي العيون اللي هنّي بوّابة القلب! العيون بيلمعو ذكا و فرح و بيضحكو و بيزعلو و بيتعبو و بيحكو كل اللغات!
ما تغشكن الكمّامات! يمكن هيدي فرصة إلنا حتّى نتمرّن عا لغة العيون! يا رب منشكرك انّو اليوم وعينا و فتحنا هديتين هنّي عيوننا! منطلب منّك يا رب تعلّمنا نشوف الناس بعيونك انت و نحبّن متل ما انت بتحبّن و بتحبنا!...الله معكن

[walaa farouk]

ميرسي علي زوادة اليوم
ربنا يفرح قلبك

[souad jaalouk]

ألف شكر على المرور الغالي أختي ولاء

[Mary Naeem]

آمين يا رب