شفاء يسوع كامل (المخلع)

[walaa farouk]

( المخلع ) 🙏🏻❤️
حقيقي بتلمسني جداً القصة بتاعته لانها كلها معاني حلوة
بتورينا اد اية ربنا بيتعامل معانا بكل حب و رقي..
+ يسوع جاله بعد ٣٨ سنة من تعبه جه بعد وقت كتير اة بس جه وقت ما حس
ان خلاص ده اخر تحمله ده وقت تدخله اللي قلب كل الموازين و غير حياته من جديد⁦ ❤️
( زي ما هيتدخل في وقته و يرفع كل اللي بيحصل عن العالم )

+ اد اية ربنا بيحترم ارادتنا و ده ظهر لما قاله اتريد ان تبرئ ؟!
يااة يارب اد كده بتحترم ارادتنا ما هو اكيد عاوز يخف ..
. بس كان ورا السؤال ده اللي هو خلاص عاوز تخف من خطيتك خلاص هتستغنا عنهاا
و ده بان اكتر لما قاله : فلا تعود و تخطئ ايضا لئلا يكون لك اشر ...

+ ليس لي انسان يلقيني ف البركة ... يسوع بتاع اللي ملهمش حد
اللي دايما بيقوله معنديش حد هو راح للمخلع لحد عنده بنفسه ❤️

+ بفضل افكر كده كد اية المخلع ده كان محبط و موجوع انه بقاله ٣٨ سنة
قاعد مش لاقي حد يرميه ف البركة بتخيل وجعه و زعله
و هو شايف كل واحد لي صاحب او لي حد بيساعده و يرميه ...
بس برضو متخيلة فرحة المخلع لما يسوع بنفسه جاله ...
جاله لانه الاكثر احتياجا بعد كل السنين التعب دي
كان لازم يكون ف مفاجاه ليه ف يابخته بمقابلته معاه ❤️

+ وأخيرًا 👈🏻 قم و احمل سريرك و امشي 🤗
لما ركزت ف الجملة دي بقول اية ده واحد متحركش بقاله سنين كتير
اما يجي يقوم هيبقا مش قادر هيبقا محتاج يتسند حتى محتاج علاج طبيعي
لرجله اللي متيبسة سنين و سنين ...
بس لا ده كمان مش قاله قوم بس لا ده قوم و شيل و امشي 🤗
شفااء يسوع كامل و قوي و مختلف ومالوش مقارنات ❤️

[Mary Naeem]

رووووووووووعة حببتي
ربنا يفرح قلبك

[walaa farouk]

ميرسى على مرورك الغالى