|
 |
 |
 |
|
|
|
رقم المشاركة : ( 1 )
04 - 03 - 2020, 10:38 PM
|
|||||||||||
|
|||||||||||
 سفر يوئيل محوره الرئيسى التوبة خاصة فى ضؤ ضربات متتالية الله يسمح بها ليرجعوا .. و فيه اية يقول فيها وَمَزِّقُوا قُلُوبَكُمْ لاَ ثِيَابَكُمْ اصحاح 2 : 13 انا فى الحقيقة قلت يمكن اللغة العربية مش واضحة او مبالغة اصل يعنى ايه اقطع قلبى او امزقه .. بس لقيتها فعلا معناها قطع او شقق قلبك لا ثيابك .. زمان كان عادة اليهود انهم يشقوا هدومهم عند الحزن الشديد و الاحباط و المذلة مزق راوبين ثيابه لما عرف ان اخواته باعوا يوسف و مزق يعقوب ثيابه لما عرف انه مات و مزق يوشيا الملك ثيابه لما الشريعة اتقرت قدامه و عرف اد ايه شعبه غلط و مزق قيافا ثيابه لما سمع كلام يسوع و اعتبره تجديف .. و زمان و لوقت قريب الستات القدامى لما حد يموت او تحصل مصيبه لاسمح الله لكم كانت تشق فستانها من الصدر علامة الوجع . . بس ده للهدوم .. امزق قلبى ازاى ..و يعنى ايه اصلا امزقه .. انا حبيت اجيب الاية دى لانها مربوطة بالصوم فيقول ارْجِعُوا إِلَيَّ بِكُلِّ قُلُوبِكُمْ، وَبِالصَّوْمِ وَالْبُكَاءِ وَالنَّوْحِ وَمَزِّقُوا قُلُوبَكُمْ لاَ ثِيَابَكُمْ. تمزق حاجة يعنى تقطعها و تصبح بلا استخدام .. قطع ورقة بعشرة جنيه مش حتعرف تصرفها قطع شيك مش حتعرف تصرفه قطع ورقة مش حتعرف تكتب عليها قطع قميصك مش حتعرف تلبسه .. طب قطع قلبك ؟ مش حينفع يكون قلبك من جديد لازم لك قلب جديد .. اصل القلب الللى اتوسخ زى قلبى بكل خطية و اشتهى و زنى و غضب و ادان و كره و اتكبر و انساق ورا جسده و شهواته و طلباته و فاض من وسخه لسانى .. باظ قلبى خلاص . .معدش ينفع مع ربنا .. كل ما اجى اقرب منه المخزون اللى جواه ينضح و يطاردنى .. مش حينفع نرقع من جديد قلب قديم برقعة جديدة لازم يتقطع و يترمى ورا .. لازم من قلب جديد ..طب و ده نجيبه منين بس ؟ يسوع طبيب القلوب و جراح الحياة هو الوحيد اللى يقدر يعمل العملية الدقيقة دى و لا يحتاج الى متبرع و لا اتعاب .. لانه هو لديه القلوب الجديدة .. و دفع التمن غالى اوى "وَأُعْطِيكُمْ قَلْبًا جَدِيدًا، وَأَجْعَلُ رُوحًا جَدِيدَةً فِي دَاخِلِكُمْ، وَأَنْزِعُ قَلْبَ الْحَجَرِ مِنْ لَحْمِكُمْ وَأُعْطِيكُمْ قَلْبَ لَحْمٍ." (حز 36: 26) دور الصوم و الصلاة اننا نقطع القلب القديم .. اقطع علاقة معطلانى . .عاطفة محركة شهوتى و جسدى .. امزق مشاعر الكراهية و الذم و النقد و الادانة لاخوتى اللى طول اليوم عمالة تهرى جوه قلبى حتى لو ما اتكلمتش .. اصرخ لربنا بالمى ووجعى و حزنى و انكسارى ادينى قلبا جديدا .. مش عاوز قلبى .. هات قلب من عندك . . انا محتاج عملية خطيرة فيها حياة او موت ..تغيير قلب . . القديم حمزقه بس لازم تلحقنى بجديد و الا حضيع . . و ما فيش ما يمنع اننا نوسط حبايبه علشان يبدروا لنا العملية بدل قائمة الانتظار الطويلة .. نوسط ستنا العدرا و الامير تادرس و البابا كيرلس و مارمينا و اللى تقدر تتشفع بيه دخله كله بينفع .. واسطة خير مقبولة يعنى مش زى وساطة الارض .. كلنا محبوبين عنده و مرجوين منه اننا نرجع .. زمان لما فشلت فى علاقة عاطفية و كنت متمسك و فضلت احاول و قلبى كان موجوع و بعدين اصريت على المحاولة تانى فكانت كلمة لأ واضحة منها .. قلبى وجعنى و بقى هش و ضعيف و اكتئبت و حسيت انى مش حعرف اكمل كده و لازم القلب ده تتعمله جراحة تغيير سميتها ساعتها تغيير صمام الحب ..كتبت ورق عليه كلمة " لأ " و حطيت فى كل حيطة ورقة منهم .. و كل ما افكر او الحنين يشدنى ابص على الورقة و اكرر قالت لك لأ ..فوق .. مزقت قلبى و اخدت قلبا جديدا يعرف يعيش و يحب و ينحب و ما ينحصرش فى دايرة ممكن يضيع جواها .. طول ما احنا مسلمين نفسنا لقلبنا من غير مواجهة و طلب تغيير مش عارفين نقرب من ربنا و لا نتمتع بيه و بنزق و بنزك فى الحياة الروحية زى الاطفال َمَزِّقُوا قُلُوبَكُمْ لاَ ثِيَابَكُمْ 
|
 |
| أدوات الموضوع | |
| انواع عرض الموضوع | |
|
العرض المتطور