|
 |
 |
 |
|
|
|
رقم المشاركة : ( 1 )
21 - 02 - 2020, 05:51 PM
|
|||||||||||
|
|||||||||||
|
الحب مش انك متشوفش عيوب المحبوب  الحب انك تشوف عيوبه اوى .. و مع ذلك تقرر تحبه .. تختار تشوف فيه جمال .. تتعمد توصل له رسالة قبول وسط رسايل رفض كتيرة بيستقبلها فى يومه .. مش مجرد القبول اللى فى مرحلة الانبهار و الانجذاب اللى بتحصل طبيعى فى البدايات و انت ع الشاطئ .. لكن القبول الواعى بكل العيوب و المساوئ .. القبول اللى شاف الضعفات و الجوانب المظلمة بعد ما دخل للعمق .. و مع ذلك قرر يكمل لعمق جديد .. يمكن يكون مخبى وجع جديد .. فى صورة اختلاف لسه مظهرش .. او بروز جارح لسه متخبطش فيه .. وعشان كده هيفضل اهم سؤال من رآيى .. هو بتحبنى لأمتى ؟؟ .. مش بتحبنى اد ايه ؟؟ وكأن السؤال الحقيقى بيقول لأى عمق هتستحمل تكمل ؟ الحب المزيف بيبنى علاقات ميته ..مفيهاش مشاكل بتتجنب الجدال .. بتتلاشى الاحتكاك .. بتتظاهر بحاجات مش حقيقية عشان تحافظ على استقرار العلاقة من منظورها .. اللى هى اصلا علاقه ميته .. الحب الحقيقى بيبنى علاقات حية .. والعلاقة الحية هى اللى فيها بنقرب و بنبعد .. بنتفاهم و بنختلف .. بنطبطب و بنتوجع .. عشان هى علاقة انسانيه بين اتنين بنى ادمين مش علاقة صنمية بين اصنام .. الجنين لما بيرفص فى بطن مامته .. الام بتتوجع بس لما بتبقى واعيه بتفرح عشان بتفهم ان رفصه معناه انه بينمو و بيكبر .. ده عمق تانى فى العلاقات .. مش بالضرورى الكل يفهمه و يعيشه .. لكن هو فيه حقيقة بتقول ان مشداتنا مع بعض بتخلينا نفهم نفسنا و نفهم اللى قدامنا اكتر و اكتشافنا للامور دى بيخلينا نكبر و نمشى خطوات فى سكة النضج .. و نتغير لنصبح شخصيات اكتر فهم وبالتالى نبقى مرتاحين اكتر و مُريحين اكتر للآخر .. العلاقات السطحية بتحمينا من الوجع بس العلاقات العميقة بتحمينا من السطحية 
|
 |
| أدوات الموضوع | |
| انواع عرض الموضوع | |
|
العرض المتطور