بتفكر تهاجر امريكا؟ يا ريت تقرا الموضوع ده

[walaa farouk]

في شويه حاجات لازم تبقي عارفها علشان تاخد القرار الصح.
علي سبيل المثال مش الحصر:

1. التعليم الجامعي غالي جدًا. شهاده الحقوق
او الطب او الصيدله هيكلفك من ربع مليون لنص مليون دولار.
ايوه الرقم اللي سمعته ده حقيقي و مفيش options
غير كده. ايوه في loans تساعدك تدفع
، بس هتفضل طول عمرك تسدد لان ال interest rate خيالي، و نص مرتبك هيروح للقرض.
2. الضرايب عاليه جدا. تلت مرتبك هيروح ضرائب.
3. اي حاجه ليها علاقه بالصحة و العلاج غاليه جدا.
مثلا لو كسرت أيدك ممكن تروح تجبسها بكام الف دولار. في اشتراك تاميين صحي، بس بردو مش رخيص و مش بيغطي كل حاجه.
4. الشغل هنا مش سهل أبدا. اليوم الطبيعي
لمعظم الناس من ٨ او ٩ الصبح لحد بليل. غير انك طبيعي تسوق ساعه رايح و ساعه راجع للشغل. السنه كلها فيها أسبوعيين اجازه بس
، مفيش زي مصر مليون عيد.
5. رتم الحياه مختلف تماما عن مصر.
لو انت جاي من حته زاحمه و بتسهر مثلا زي القاهره،
اكيد هتزهق. معظم الحاجات هنا بتقفل علي الساعه ٨ او ٩،
فيما معناه انك بعد ما ترجع من الشغل مش هتلاقي حاجه تعملها
. ف لازم تكون مستعد نفسيا انك هتعيش حياتك لل weekend و بس.
6. الإيجار غالي و البيوت غاليه. اعمل حسابك ان معظم مرتبك هيروح ايجار.
7. حتي لو مرتبك كبير، هيروح معظمه في الإيجار
و الضرايب و ال loans و ال credit card و هتلاقي بردو نفسك محدود. بلاش تغرك الأرقام. احسب الأول و what’s in and what’s out
8. بردو في حاجه اسمها connections. امريكا مش خاليه من الواسطة.

الحلم الأمريكي وهم يا جماعه. الفلوس that grows on trees بردو وهم.

ميغركش، اللبس الماركات و البيوت الفاخمه و العربيات ال wow لان وراهم ناس مديونه و تعبانه.

يمكن لو انا كنت في مصر و حد قالي الكلام ده مكنتش هصدق. بس انا بقلك الواقع بكل موضوعيه و امانه.
مش بقول متجييش امريكا، بس بقول انك لازم تذاكر كويس الحقيقه و تفكر بجد مش تجري ورا الفرصة و خلاص.