|
 |
 |
 |
|
|
|
رقم المشاركة : ( 1 )
10 - 11 - 2019, 10:32 PM
|
|||||||||||
|
|||||||||||
 فيه حلاقتين او قص شعر اتذكروا في الكتاب المقدس في قصة يوسف.. لما استدعاه فرعون من السجن ليفسر الحلم قال الكتاب فَأَسْرَعُوا بِهِ مِنَ السِّجْنِ. فَحَلَقَ.. وَأَبْدَلَ ثِيَابَهُ وَدَخَلَ عَلَى فِرْعَوْنَ هنا الحلاقة من ايد ربنا.. هنا الشعر كان بيشاور على سنين الوجع و المر و مذلة السجن... قص الشعر هنا كان نهاية سعيدة لرحلة ألم.. لظلم.. هنا تمشى الآية شعرة من رؤوسكم لا تسقط الا بإذن ابيكم.. الحلاقة هنا كانت علامة لحياة جديدة.. لمجد.. لثوب جديد.. كتر الشعر تعبير عن فترة طويلة في ظلمة سجن.. سجن خطية.. سجن وحدة.. سجن ضعف و قلة حيلة.. سجن حزن.. سجن خوف و فشل.. الله لما يقرر يمد ايده.. حيبعت اللى يحلقلك.. اللى يبدلك ثيابك.. ساعات فيه ناس لما حد ينتقل من احبائها تهمل شعر دقنها و راسها و تنحصر في أحزانها.. لحد ما ربنا يطبطب و يبعت قيروانى يخفف حمل الصليب شوية..اب روحى.. خادم جميل .. كلمة تعزية.. صديق محب .. و تلاقي اللى بيحبك يقولك ياللا قوم كده احلق دقنك و قص شعرك كده و انزل القداس و اتناول.. حلاقة و قص شعر للمجد و للفرح.. حلاقة ملوكى.. لكن فيه حلاقة و قص شعر من ايد الشيطان.. للحزن و المذلة..و عبودية.. في قصة شمشون يقول الكتاب 19 وَأَنَامَتْهُ عَلَى رُكْبَتَيْهَا وَدَعَتْ رَجُلًا وَحَلَقَتْ سَبْعَ خُصَلِ رَأْسِهِ، وَابْتَدَأَتْ بِإِذْلاَلِهِ، وَفَارَقَتْهُ قُوَّتُهُ.. قص الشعر هنا معناها قص نذرك و تعهداتك.. قص صلاتك و بنوتك .. قص جهادك لطهارتك وقص لقوة الله العاملة فيك لما تصر على دليلة و تتخدع و تستسلم على ركبتيها ايا ما كانت دليلة.. دليلة العاطفة التى بلا عقل . .دليلة الشهوة الجامحة .. دليلة القسوة.. الظلم.. حب مال.. السلطة.. المظهرة.. الكرامة..الكبرياء .. الذات.. التملق.. قص شعر هنا كان للضعف و فقد البصيرة الروحية و التخبط.. قص ارادة و فقد القوة و الهيبة اللى شقت في يوم و غلبت ابليس هذا الأسد الزائر الملتمس من يبتلعه اللى داست عليه لما زمجر و طلعت من الجافى عسل. . عسل النعمة و السند و الاختبار لعلاقة حقيقية مع رب المجد يسوع. . عسل قولة لا.. لا لحاجات كتير بتزمجر و تخرج في الطريق.. خلى حلاقتك على ربنا ديما لمجد و ثياب بوص و قلادة دهب . . و اوع تغفل على ركبة دليلة و تتخدر لأيام و شهور و سنين و عمر يتسرق يحسن يتقص شعرك في غفلة منك و انت نايم فتكون قصة و حلاقة لقبح و إذلال و موت.. 
|
|
11 - 11 - 2019, 12:24 PM
|
رقم المشاركة : ( 2 ) | ||||
|
† Admin Woman †
|
رد: خلى حلاقتك على ربنا
و اوع تغفل على ركبة دليلة و تتخدر لأيام و شهور و سنين
و عمر يتسرق يحسن يتقص شعرك في غفلة منك و انت نايم فتكون قصة و حلاقة لقبح و إذلال و موت موضوع مميز ربنا يباركك |
||||
|
|
|
12 - 11 - 2019, 08:37 PM
|
رقم المشاركة : ( 3 ) | ||||
|
..::| الإدارة العامة |::..
|
رد: خلى حلاقتك على ربنا
ميرسى على مرورك الغالى  |
||||
|
|
 |
| أدوات الموضوع | |
| انواع عرض الموضوع | |
|
العرض المتطور