08 - 11 - 2019, 09:58 AM
|
|
|
|
..::| الإدارة العامة |::..
|
|
|
|
|
|
ده ابن ربنا.. دي بنت ربنا
.. الكلمه دي بنقولها كتير اوي علي ناس كتير
لما يكون حد متقدم لبنت نقولها اقبلي ده ابن ربنا.. او العكس
فنسأل هو ايه موصفات ابن ربنا
تقولك بيروح الكنيسه.. مواظب علي التناول..
مش، بيحط سجاره في بوقه.. خادم مشهود له من الكل. ده كفايا ابتسامته. ده ابونا الراهب القديس ده يعرفه شخصيا
طب ايه موصفات بنت ربنا
من عيله.. خادمه.. لبسها كويس..
وكفايا ان اب اعترافها ابونا فلان.. ده الأسقف الفلاني قاربهم.
بعد مرور سنين نكتشف( مش هي دي بس)
مواصفات ولاد ربنا. حلو يبقي في كل ده بس للاسف
مش ده كل حاجه
ياما ناس منظر بس من بره وأول ماتعاشرهم تعرف ان لقب
(ابن او بنت ربنا) مش بتاعهم. مش بحضورهم الكنيسه
وبمعارفهم.. مش بخدمته او خدمتها الرهيبه.
ولا بطريقه صلاته. ولا بلبسها وشكلها
القصه كلها ابن ربنا ده قلبه اخباره ايه..
القصه كلها قصه قلب مش قصه بيعمل ايه. لكن قصه عايش ايه
ابن ربنا انسان حقيقي وبس.. بنت ربنا انسانه حقيقيه وبس
عاوز تعرف ده ابن ولا بنت ربنا شوف ده قلبهم حقيقي ولالا
ولاد ربنا هما الحقيقين وبس. ولما قلبك هايبقي حقيقي كل ده هاتعمله بحق يغير فيك مش منظر يجمل برستيجك
|
