|
 |
 |
 |
|
|
|
رقم المشاركة : ( 1 )
05 - 10 - 2019, 11:34 PM
|
|||||||||||
|
|||||||||||
 عارف يعني ايه واحد يتبلي عليك ؟؟ يعني يتهمك ببلوة حصلت و انت ما عملتهاش.. يعني يدعي عليك بالخراب و انت بريء ، يعني يصمم علي انك السبب و انت ما جيتش جنبه ، يعني يقل الناس عنك الشر و الردي و انت مظلوم، يعني يخللي الناس تصدق انك شرير و انت ما لكش دعوة بأي حاجة .. ده قتل بدم بارد، و دبح بسكينة تلمة، ده سحل للكرامة، و سلخ للنفس، و طعن في الشرف .. و فيه ناس فعلا كده : ترقص علي دماء المظلومين .. و العجيب انهم مصدقين نفسهم ، و مكملين في شرهم و غيهم.. ده معني "تذلل" اللي اتقالت علي السيد المسيح .. "ظلم أما هو فتذلل" (اشعياء ٥٣ ) .. ياه علي الذل اللي كسر قلبه و هو واقف أمام الناس اللي افتروا عليه و بصقوا عليه و اتهموه في شرفه و عزة نفسه و كرامته و رسالته قدام اعز الناس ليه "امه العذراء و تلاميذه الأطهار " ، و قالوا عليه مجدف و مضل و مجرم و مختل العقل ، و طلبوا صلبه .. عدت الايام ، و اللي شتموه و اتبلوا عليه سجدوا عند رجليه .. كل ده كان وراه "رئيس الشر" اللي لسه بيعمل كده فيك علشان يكرهك في نفسك و يرميك في بير اليأس المضلم و يسلبك سعادتك و يسيبك تموت نفسيا بقهرتك.. عارفين ؟؟ احنا كخدام للملك بيتعمل فينا كده و اكتر .. بنتشتم و نتهان و يفتري علينا (١ كورنثس ٤) !! كل يوم اللي بنخدمهم بيدبحونا و ينهشوا لحمنا و يشهروا بينا و ياكلوا و يشربوا علي سيرتنا ، و احنا بنخدم تراب رجليهم .. اوعي تتهز يا بطل .. انت صح، و المفتري عليك ح ينبح شوية و ح يتخرس.. شوية ظلم ح يجوا عليك زي ما يوسف اتهموه في سمعته و رموه في السجن ، و بعدين كله اتنسي و ربنا اظهر للنور حقه و اللي شتموه بعد شوية سجدوا له .. الاسود ما تخافش من الكلاب، و انت ابن ملك الملوك ، من سبط الأسود .. 
|
|
06 - 10 - 2019, 06:04 AM
|
رقم المشاركة : ( 2 ) | |||
|
..::| العضوية الذهبية |::..
|
رد: اما هو فتذلل
امين ياااااارب
|
|||
|
|
|
07 - 10 - 2019, 04:03 AM
|
رقم المشاركة : ( 3 ) | |||
|
..::| العضوية الذهبية |::..
|
رد: اما هو فتذلل
الاسود ما تخافش من الكلاب، و انت ابن ملك الملوك ، من سبط الأسود
|
|||
|
|
|
07 - 10 - 2019, 12:14 PM
|
رقم المشاركة : ( 4 ) | ||||
|
† Admin Woman †
|
رد: اما هو فتذلل
الاسود ما تخافش من الكلاب، و انت ابن ملك الملوك ، من سبط الأسود
صح يا قمر ربنا يباركك حببتي |
||||
|
|
|
07 - 10 - 2019, 10:02 PM
|
رقم المشاركة : ( 5 ) | ||||
|
..::| الإدارة العامة |::..
|
رد: اما هو فتذلل
ميرسى على مروركم الغالى  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| أما هو فتذلل ولم يفتح فاه |
| ظلم اما هو فتذلل ولم يفتح فاه |
| ظلم اما هو فتذلل ولم يفتح فاه |
| ظلم أما هو فتذلل |
| ظلم أما هو فتذلل ولم يفتح فاه. |
العرض المتطور