|
 |
 |
 |
|
|
|
رقم المشاركة : ( 1 )
04 - 09 - 2019, 07:46 PM
|
|||||||||||
|
|||||||||||
 اوقات كنت بقرأ آية و اتعقد .. لأني كنت بحس بعجزي قدام كلمة الله .. بحس بضعفي .. لكن اتعلمت ان كل كلمة اتكتبت في الأنجيل .. اتكتبت للأنسان المولود من فوق .. للطبيعة الجديدة اللي وهبت لينا بالإيمان بالرب يسوع المسيح ... الآية بتقول :" شاكرين كل حين علي كل شئ في اسم ربنا يسوع المسيح " .. بجد كنت بتعقد .. عايزني اشكرك ازاي طول الوقت ؟ .. و المصيبة لازم اشكر علي كل شئ .. طبعا كنت بشكر لما بيباركني بأي بركة .. بأي نجاح .. بأي فلوس تفك زنقة سودة .. كنت اشكر و اهلل و اتنطط من الفرح الهنا عظيم الهنا عظيم ... اما وقت مصيبة او أزمة او مرض او خسارة او فشل .. طبعا و طبعا اوي اوي كنت ببوظ و اتقلب عليه و الأسطوانة المشروخة تبدأ تشتكي عليه ليه و ازاي ما انا بنتك ما انت ابويا و في الحقيقة لا كنت بنته و لا هو كان الهي ... . . لأني كنت مش عارفاه .. روحي مفصولة عنه .. ميته .. معنديش علاقة حية معاه .. معنديش حياة . . عندي ظلمة و معرفتي عنه هي معرفة مبنية علي كلام الناس و اختباراتهم و حتي عقائدهم . . ضيف عليهم فكرتي المغلوطة عنه .. علي غباوة و جهل و طبيعة فاسدة .. لكن نشكر ربنا انه افتقد حياتي .. و خلصني .. و اقامني من الموت الروحي .. و بدأت اعرف هذا الأله العظيم الصالح الحنين . . بقي ابويا لأني بقيت ابنه له .. و ساعتها بقيت اقدر اشكر ... اشكر كل حين ... علي كل شئ .. .مش لأني متدروشة و لا مخبولة و لا مخدوعة لكن لأني بالأختبار .. علمت ان : " كل الأشياء تعمل معا للخير للذين يحبون الله ، الذين هم مدعوون حسب قصده " .. . اقدر اشكر علي كل شئ كل حين . . لأن كل الأشياء في الآخر بتتلخبط علي بعض و بتعمل للخير لينا احنا المدعوون اننا نكون ابناء للآب اللي محدش حيقدر يروح عنده الا بالإيمان بالأبن الرب يسوع المسيح .. تعالوا نشكر كلنا مع بعض ... كلنا المختارين اننا نكون في علاقة معاه .. علاقة حب و ثقة و إيمان ان ابونا صالح .. برغم المرض بشكرك يارب و بفرح بيك .. برغم المشاكل بشكرك يارب يا الهي الصالح . . برغم كل شئ .. و لا حاجة حتتحتط سور بيني و بينك . . و لا اي حاجة ممكن تحصل حخليها تهز ثقتي بصلاحك و حبك .. . انت عظيم .. انت صالح .. انت لك السلطان و المجد و الكرامة .." الرب عادل في وسطها لا يفعل ظلما " " و انا ، يقول الرب ، أكون لها سور نار من حولها " .. يا فرحتنا بألهنا الصالح . 
|
 |
| أدوات الموضوع | |
| انواع عرض الموضوع | |
|
العرض المتطور