تعويض ربنا جاي لا محاله

[walaa farouk]

ايوب ضيع وقت طويل جداً ف الحوار مع أصحابه
استغرق حوالي 36 اصحاح
الحوار كان مُتعب جدا لأيوب لدرجه أنه وصل لمرحله
أنه يقول " وَاللهُ لاَ يَنْتَبِهُ إِلَى الظُّلْمِ" (ايوب 12:24)😐
مع إن الوقت دا لو كان خصصه لربنا
أكيد ربنا كان هيعزيه بطريقته 👌
ربنا مكانش هيقطم فيه ويقوله إن اللي حصله
بسبب خطيه هو عملها ..مكانش هينصبله محكمه ✋
لكن أيوب معذور يمكن زي ما قال أليهو "
إِنَّنَا لاَ نُحْسِنُ الْكَلاَمَ بِسَبَبِ الظُّلْمَةِ! (ايوب 19:37) " 👌
يمكن لما بنبقي ف مشكله بنبقي تايهين ومش عارفين الصح فين
بس الأكيد أننا هنلاقيه لما نروح لربنا ونديله مشاكلنا
واللي مضايقنا وكل التفاصيل المكلكعه اللي ف حياتنا 🙃
فَحَقًّا إِنَّ اللهَ لاَ يَفْعَلُ سُوءًا، وَالْقَدِيرَ لاَ يُعَوِّجُ الْقَضَاءَ. (ايوب 12:34) ✋
خليك دايما حاطط الآية دي قدامك
"حَاشَا للهِ مِنَ الشَّرِّ، وَلِلْقَدِيرِ مِنَ الظُّلْمِ. (ايوب 10:34) " ♥
مهما اتظلمت سواء م الناس أو من الدنيا
اوعي تستسلم لفكرة إن ربنا ظالم وناسيك لأنه عمره ما كان كدا ✋
وافتكر دايما إن تعويض ربنا جاي لا محاله 😉
إن مكانش ف الأرض ..أكيد هيبقي ف سماه

[Ramez5]

موضوع مثمر ..
ربنا يبارك خدمتك

[Mary Naeem]

اوعي تستسلم لفكرة إن ربنا ظالم وناسيك لأنه عمره ما كان كدا
وافتكر دايما إن تعويض ربنا جاي لا محاله
آمين يا رب

[walaa farouk]

ميرسى على مروركم الغالى