عشرة نصائح لتكون مصمم ناجح

[المرنم جرجس]

لتكون مصمم ناجح عليك باتباع هذه النقاط المهمة في التصميم:

1- الألوان :
الألوان ، هي من أهم الأشياء في التصميم وهي ما يمكن أن تشكل فرقاً بين التصميم الجيد والتصميم السيئ ، وبين التصميم الجميل والتصميم القبيح . وبدون الاستعمال الجيد للألوان ، تصميمك لن يؤثر عليك كما كنت تتوقع .

2- الدقة :
حاول ان تكون دقيقاً في جميع تفاصيل تصميمك مهما كانت صغيرة .

3- الموضوعية :
من أهم مميزات التصميم موضوعيته ، فلا يمكن لك ان تضع خلفية تحتوي وروداً وقلوباً ثم تضع كلمة (الحاسب الآلي) .
يجب ان يكون هناك تناسق بين جميع عناصر التصميم .

4- الخطوط :
وهي ما يميز اي نص في التصميم ، فحاول قدر المستطاع ان يكون الخط مقبولاً في التصميم .

5- التنويع :
فلا تجعل جميع تصاميمك رومانسية أو تقنية ، وإنما من كل بحر قطرة .

6- التوقيع :
قم بإنشاء رمز لك يعتبر كتوقيع لك في لوحاتك .

7- النشر :
حاول ان تنشر تصاميمك في اكثر من مكان ، لتستفيد من النقد والتعليقات المختلفة .

8- الانتقادات :
تقبل أي انتقاد على عملك -مهما كان قاسياً- بوجه رحب . وحاول تطبيق كل الانتقادات .

9- الخبرة :
عندما تقوم بصنع لوحة ، تكون قد اكتسبت نوع من الخبرة . لذا فحاول قدر الامكان ان تصنع العديد من اللوحات .

10- حفظ الملف :
احفظ ملفك بحيث يمكنك التعديل عليه مستقبلاً ، في الفوتوشوب يمكنك حفظه بالامتداد .psd .

اتمنى ان النصائح قد أعجبتكم




تقبلو تحياتى
gerges

[رمانة]

نصائح راائعة جرجس ميرسي كتير الك

[jan kapallo]

تمام اوي الكلام دا

[Mary Naeem]

شكرا يا جرجس على النصائح

[fgsat3]

شكرا يا جرجس علي المعلومات القيمة والغالية دي

وفعلا بتفرق كتيييييييير اوي


عايز اضيف بس نقطة الخيال انه اهم حاجة في الموضوع الفكرة وانك تبقي عندك فكرة مسبقا في خيالك وتعرف تنفذها بمعني يكون الخيال واسع شوية
ودي انا مفتقدها اوي اوي اوي

[ساندي]

ميرسي للنصائح المفيدة يا جرجس

[المرنم جرجس]

[sama smsma]

ميرسى كتييييييييير يا جرجس للنصايح الجامدة
الى الامام يا فنان

تصميم الصور دة فن رائع بجد
زى الفنان اللى بيرسم لوحة بتيجى فكرتها فى خيالة
فبينفذها ويرسمها
دة برضة منطبق على تصميم الصور
اكنك بترسم صورة فكرتها جت فى خيالك
يعنى لازم يكون فى فكرة حلوة للتصميم
مش مجرد انى احط صورة على صورة وخلاص
ودة اللى بيميز مصمم عن التانى

وكمان فى حاجات بتميز المصمم
زى مثلا انت يا جرجس بتستخدم فى كل صورك اكشن او فلتر تقريبا
رااااااااااااائع بجد تحس ان الصور زى اللوحة المرسومة بالوان زيتية
بيخلى تصاميمك مميزة
ولو شوفنا تصميمك نعرف علطول انة تصميم جرجس
من غير ما نبص على الاسم
زى الفنان اللى بيرسم اللوحة
كل واحد بيبقى لية اسلوبة اللى بيميز لوحاتة وبنقدر برضة نميزها
عن غيرها من اللوحات

[المرنم جرجس]

ميرسى يا سماسم بجد انتى اثبتيلى انك للى بتعمليه بتحسيه الاول دا فعلآ منهج حياتى وبجد مش هتصدقى انا نشكر ربنا عندى موهبة الرسم من انا وصغير وورثتها من بابا الله يرحمه علشان كده بطلع شغلى كله بحس الرسم بخلاف استخدامى لكوكتيلات الاكشنات والفلاتر الخلطه السريه اللى انا عملتها من صنعى الخاص نشكر ربنا بعد معاناه وتدريبات وتعب وبحث للتعليم

[sama smsma]

المشاركة الأصلية كتبت بواسطة المرنم جرجس

ميرسى يا سماسم بجد انتى اثبتيلى انك للى بتعمليه بتحسيه الاول دا فعلآ منهج حياتى وبجد مش هتصدقى انا نشكر ربنا عندى موهبة الرسم من انا وصغير وورثتها من بابا الله يرحمه علشان كده بطلع شغلى كله بحس الرسم بخلاف استخدامى لكوكتيلات الاكشنات والفلاتر الخلطه السريه اللى انا عملتها من صنعى الخاص نشكر ربنا بعد معاناه وتدريبات وتعب وبحث للتعليم

ياجامد يا جامد
وانا بقول برضة الفن دة مايطلعش غير من عيلة فنية
لا بجد برافو عليك ربنا يزيد موهبتك اكتر واكتر ويعوضك على اد تعبك
انا برضة بتكلم على اساس انى بحب الرسم والالوان جداااااااااا جدا جدا
علشان كدة بحس انى برسم صورة متخيلاها فى دماغى
بس انا عندى مشكلة مع الاكشنات بينى وبينها مافيش انسجام
وزى ما بيقولوا انا بحبها لكن هى مابتحبنيش هههههههههههههههه