صنع الكل حسنأ في وقته ( جا 11:3 )
لما تقعد تفكر وتفكر وتحسبها يمين وشمال وتلاقي الحل من ربنا غير متوقع
لما تبقي حاسس انك مشتت ومش عارف تعمل ايه وفين وازاي
وتلاقي ربنا ظبطلك الدنيا وظبط نفسيتك
لما تلاقي الدنيا لخبطت فجأة وكل حاجة ملخبطة حواليك
وتلاقي رسالة جاتلك غيرت مودك وخليتك تقعد تعيد حساباتك
وتظبط حياتك افضل من الاول بكتير
لما تبقي قاعد متضايق ووحيد وتلاقي حد بيسال عليك من غير سبب
لما تبقي الحالة المادية بايظة معاك علي الاخر وتلاقي بركة ربنا كملت الشهر واتسترت معاك
لما تبقي متضايق اوي ولما تسمع قداس او ترنيمة او عظة ترتاح
وعينك تدمع وتقول الحمدلله ربنا بيطبطب علي قلبي
لما تلاقيها باظت خالص وبقيت ظلمة
وربنا جابلك حل خارج الصندوق وفي الوقت الصح
قوله بعلو الصوت برافو عليك يارب
تصنع الكل حسنأ في وقته
دايما معايا بالرغم من واحشتي
انت جدع اوي يارب
