لما يجي وقتها

[walaa farouk]

لما يجي وقتها 🙏

الجملة دي مدرسة للايمان .. و الثقة في عمل الله
انت ممكن تقعد تفكر في مشكلة ملهاش حل ..
او اختيارات كتير قدامك مش عارف تاخد قرار ..
و الاهم ان لسه المشكلة اصلا محصلتش ..
و لسه كمان في وقت علي القرار .. لكن احنا بنحب نسبق كل الاحداث .
. فضولنا للمستقبل و ايه اللي هيحصل فيه تاعبنا جدااا .. لعدم الثقة 😌

( لما يجي وقتها ) دي جملة بتعطي للانسان أمان..
لان تفكيرك حاليآ خلاص عجز عن الحل .. و اتوجه اتكالك علي الله.
فأنتظر شوية لما يجي وقتها يمكن تلاقي حل متعرفش جالك منين !!
تفتكروا موسي لما خرج من ارض مصر و معاه شعب بني إسرائيل
و جاب خريطة و قعد يخطط و فرعون و عساكره وراه .. كان وصل لحد فين بتفكيره ؟؟
مهو مفيش حل خلاص.. يعني نمشي و لما يجي وقتها .. لما نوصل للبحر يمكن تدبر !!
و الحل جه بمعجزة لو كان قعد سنين يفكر عمره ما يتخيل انه هيشق البحر بعصاه بقوة الله.

بس اوعي متذاكرش و تقول لما يجي وقتها 😂
انت وقت الدراسة او لو وراك مسئولية هو الوقت المناسب اصلآ ..
بتكلم عن المشاكل المتعبة و صعب القرار فيها ..

متعولش الهم .. لما يجي وقتها..
"لِكُلِّ شَيْءٍ زَمَانٌ، وَلِكُلِّ أَمْرٍ تَحْتَ السَّمَاوَاتِ وَقْتٌ:" (جا 3: 1)

[Mary Naeem]

متعولش الهم .. لما يجي وقتها..
"لِكُلِّ شَيْءٍ زَمَانٌ، وَلِكُلِّ أَمْرٍ تَحْتَ السَّمَاوَاتِ وَقْتٌ:" (جا 3: 1)

آمين يا رب

[walaa farouk]

ميرسى على مرورك الغالى