اكتر حاجة انت فاقدها في حياتك.. هيا اكتر حاجة هتعرف تديها لأطفالك!
_لو انت معندكش حد يفتقدك ويجيلك البيت ويحكي معاك.. انت اكتر واحد هتعرف تفتقد أطفالك وبكل اهتمام..
_لو انت نفسك في حد يعملك يومي روحي ومؤتمر وتطلع تستفاد وتلعب وترجع مبسوط.. انت اكتر واحد هتعرف تجيب طرق مبدعة عشان تبسط أطفالك بيها..
_لو انت فاقد أن حد يقعد معاك لوحدك ويشوف ايه مضايقك ويشوف علاقتك مع ربنا شكلها ازاي ويهتم بيك... أنت اكتر واحد هتكون متميز في الخدمة الفردية.. ودي احلى حاجة ممكن تشوفها.. وبتبقا بالنسبة لطفلك حاجة كبيره..
_لو انت فاقد أن يكون ليك صحاب في حياتك.. تأكد تماماً انك هتكون بالنسبة لأطفالك (أعظم صديق) ..
_لو انت فاقد تشجيع انت اكتر واحد هتعرف تشجع صغار النفوس..
ولو انت فاقد كل حاجة يا بختك بقا.. عشان ربنا هيستخدمك ويخليك نور لكل شئ مظلم وملهوش حل.. متزعلش من اي حاجة نقصاك.. لأن ربنا هيعمل العكس بيك انت يا صغير 😄.. متزعلش لو انت صغير في خدمتك وحاسس أنك ملكش لازمة .. لأن الصغير يصير ألفا والحقير يصير أمة قوية (اش 22:60)
مين قال فاقد الشئ لا يعطيه.. دا هوا احسن واحد هيعطيه.. ابحث عن إلى انت فاقده كويس وإبداء نفذ ازاي تديه لأطفالك.. سعتها ربنا هيديك قوه ملهاش حدود.. عشان رغم انك لسه محتاج.. لسه بتدي وبتحب ومش عايز مقابل.. وخطوه بخطوه هتلاقي نفسك وصلت لمرحلة مش محتاج اي حاجة خلاص.. هتلاقي نفسك وصلت للشبع.. وكل دا عن طريق حاجة صغيره كده.. يا دوب ساعتين في الأسبوع.. بس ممكن يغيروا حاجات كتير.. (الخدمة)..
عشان كده (الخدمة) هيا (الحل)
