|
 |
 |
 |
|
|
|
رقم المشاركة : ( 1 )
26 - 05 - 2019, 01:45 AM
|
|||||||||||
|
|||||||||||
 ايوه انا اللي كنت بقعد معاك زمان بالساعات والكلام كان يبقى بينا خد وهات دلوقتي الاعده بقى يفوت عليها يمكن شهور وسنين لا انا عارفه ارجع وابقى زي زمان وياك ولا عارفه اقبل اللي بقيت فيه وانا سيباك انا اللي اتملا قلبي اوجاع بعد ماعرف يدوق معاك افراح وانا اللي عيوني بقيت ملياها الدموع بعد ماكانت بترقص في محضرك اوقات انا اللي كنت بجري عليك اتشدد واتعزز بيك دلوقتي بهرب منك مش عارفه ازاي وشي اوريك العيب انا عارفه مني مش فيك لكن الطلوع دايماً صعب وانا نزلت لما أديت ضهري يارب ليك بقيت مُره النفس ومفيش تنعُم هبقي فيه مش عارفه اشوف غير أبواب مقفوله ودنيا مسدوده وآخره مجهوله رافضه اوصلها مع ان نفسي اقربلها كل سند في حياتي طلع عكاز محني لو اتكي عليه هيخدني ويقع اكتر مانا واقعه وكل امل ممكن اشوفه وافكر اعيشله بيتبخر ويبقى سراب مجهول اتهوه فيه ايه معنى الحياه لو فقدنا الحضن اللي فيها اللي يدفعنا نعافر عشان نعيش وحضنك انت كمان بقيت اشوفه مقفول وبعيد مع اني عارفه انه الوحيد اللي قريب جوايا عتاب لنفسي وسراب لحياه بخارها قليل مايتمسكش لكنه بيطوق العنق بحجر رحه يرميني في بحرها غريق كان نفسي اكونلك حفظيفه ومسره تفرح قلبك لما نتقابل لكن مرار الدنيا سد أبواب الراحه اللي جوايا مش قصدي اعاتب فيك لكن انا استنيتك تغير حاجات كتير سامحني انا مش اله ليا طوله بال زي اللي ليك ولا بستعجلك تخلص الشغل اللي ليا عندك سامحني عشان طاقه النور جوايا بتنطفي والعتمه غيمتها كحلت ومقدار مايتها اللي اد الكف مبقتش عارفه اشوفه مش عاوزه اجيلك وكل المرار دا جوايا ولا عاوزه اقابلك وانا حجزاك في كورنر ومحدده اقامتك ويايا عاوزه اجيلك وانا متصالحه عليك والحزن والكآبه مني هربانه سامحني لما أديت العشم لغيرك وافتكرت السند والدفا فيك وصيحت على واقع ان الكل محتاج ليك واللي بنفتكره سند هو كمان عاوز يتسند ومش عارف يوصل ليك ممكن تغير قلبي ممكن تفتح عيني رجعني تاني اتعكز عليك وارمي عكاكيز اتكسرت عشان هي كمان ماتسندتش عليك. ممكن تنجيني من الانا طب ممكن تملاني بالأمل ممكن تصحى فيا الرجاء عشان يعرف يشوف انك مش بعيد ممكن تديني من طوله بالك وصبرك عشان اعرف استناك صدقني مش مستعجله بس لما البطاريه بتضعف وتبدأ تفصل بتحتاج تتشحن من جديد وانت الشاحن ف ايدك اتصرف بقى وصالحني على نفسي مش عليك 
|
|
26 - 05 - 2019, 03:52 PM
|
رقم المشاركة : ( 2 ) | ||||
|
† Admin Woman †
|
رد: صحى فيا الرجاء من جديد
مش مستعجله بس لما البطاريه بتضعف وتبدأ تفصل بتحتاج تتشحن من جديد
وانت الشاحن ف ايدك اتصرف بقى وصالحني على نفسي مش عليك مشاركة جميلة جدا ربنا يبارك حياتك |
||||
|
|
|
27 - 05 - 2019, 12:16 AM
|
رقم المشاركة : ( 3 ) | ||||
|
..::| الإدارة العامة |::..
|
رد: صحى فيا الرجاء من جديد
ميرسى على مرورك الغالى  |
||||
|
|
 |
| أدوات الموضوع | |
| انواع عرض الموضوع | |
|
العرض المتطور