ما يختاره الله هو اللأفضل لنا

walaa farouk · رقم المشاركة : ( 1 ) 26 - 05 - 2019, 12:29 AM

ساعات كتير بتكون مذاكر اوي وكويس جدا ..
و تلاقي نفسك بتغلط ف حاجات إنت أصلا عارفها .. وغيرك يحلها بالبركه .. 😕

ساعات بتكون مستعد جدا للجنه شفوي وغيرك قاري قراية جرايد
وتدخل اللجنه لدكتور يظبطك وهو يدخل لدكتور ميسئلوش غير سؤال واحد
الوحيد الي هو يعرفه ف المنهج ويجاوبه وياخد الدرجه النهائيه ..

و ساعات بتكون مذاكر و سايب صفحه واحده متلحقش تجيبها
و يجيلك منها سؤال محترم يخسرك درجات كتير وانت مذاكر الباقي كله ..
وغيرك مذاكر شبترين يجي منهم الامتحان كله ويطلع باشا ..
فكر كدا ..

انت مش منحوس .. وهو مش محظوظ ..
إنت بتجتهد وهو ﻷ
هل ربنا ظالم هيساويكوا ؟؟
اومال ليه ماشيه معاه كدا ومفقره معايا !!

أنا هقولك ليه ..
هي مش ماشيه معاه .. انت مش عارف ربنا كاتبله ايه ما يمكن على الرغم انه بيجيب درجات أحسن منك
انت تنجح عنه وتسمع عنه وتكون قدوه لغيرك إن النجاح ف الحياه مش بالدرجات وبس .

وبرده هي مش مفقره معاك ولا حاجه .. إنت كل دا طالما عامل الي عليك ..
يبقى الباقي دا بتاع ربنا وإرادة ربنا .. ربنا بينحتك وبيرسمك للمكان الي هتنجح فيه ..

كل نص درجه بتنقصها ف الكليه بينقلك من مكان لمكان ومن تخصص لتخصص ومن شغل لشغل
.. طالما انت عامل الي عليك خلاص .. سيب ربنا يحطك ف الحته الي معموله ليك ..

مين قالك ان الي انت عايزه لنفسك دا هو النجاح ؟؟
انت كل حاجه بتحصلك بتهيأك لدور ف الحياه مكتوبلك .
وكل حاجه خارجه عن أرادتك بتاخدها أو بتخسرها بتكون من ضمن إعداد ربنا ليك ..

إعمل الي عليك وشوف ف الاخر ربنا هيحطك فين .. وإعرف أن هو دا المكان الي معمول علشانك
.. ﻷ .. المكان دا إنت الي معمول علشانه .. المكان دا الي انت بتترسلمه بقالك سنين
.. المكان دا الي كل درجه كسبتها وكل درجه خسرتها كانت بتقربك منه ..
المكان دا مكانك الي ربنا اختارهولك ❤

المهم انت تعمل الي عليك ... وسيبها على الله

Mary Naeem · 26 - 05 - 2019, 03:57 PM

المهم انت تعمل الي عليك ... وسيبها على الله

صح يا قمر
ربنا يباركك حببتي

Ramez5 · 26 - 05 - 2019, 04:24 PM

موضوع جميل ومميز
ربنا يبارك خدمتك

walaa farouk · 27 - 05 - 2019, 12:02 AM

ميرسى على مروركم الغالى ما يختاره الله هو اللأفضل لنا