جرب قبل دخول 2019

[walaa farouk]

... جرب تطلع رقم حد معرفة قديمة من تليفونك
وتقول له طمنى عليك وصوتك واحشنى
... جرب تاخد قرار تتحمل شخصية صعبة فى حياتك
مكنتش طايقها قبل كده وتخليه فى اولوية صلاتك
... جرب تغير مفردات كلامك وتخليها شكرا ..
بعد اذنك .. ربنا يباركك .. ربنا يخليك لى
... جرب تكون صاحب جدع يستحمل فى الضيقة
ويكون كتف لصاحبه وقت العوزة
... جرب تقرر انك تتصل بكل واحد يكون عنده مشكلة
او فى ضيقة وتقوله ماتخافش . الله معاك
... جرب تحط نفسك مكان حد غلط فيك
وفكر فى القرار اللى كنت هتاخده بداله وبعد كده ازعل براحتك
... ده لو قدرت
... جرب تحب كل الناس ما انت مش عارف الايام
هتخلى لك مين وهتاخد منك مين
... جرب يكون وشك بيوزع ابتسامات وبشوش
ومجرد سيرتك بس تفرح القلب الحزين وتضحكه
... جرب تكون مش طماع فى اللى فى ايد الناس .
هيحبوك ويعلوك فى حياتهم
... جرب يكون لسانك مصدر لكل قبول وتشجيع وتحفيز
ورفع معنويات واحتمال لضعف الضعفاء
... جرب تسامح من قلبك اى واحد غلط فيك
علشان تعرف تقول للمسيح اغفر لنا ذنوبنا
... جرب تستحمل للاخر وحط فى مكان
كلنا ضعف ووحاشة وبرضه ربنا مستحملنا كلنا
... جرب تكون امين فى كل حاجة فى حياتك
مهما بانت صغيرة فالاشياء الصغيرة مجموعها يمثل حياتك
.. جرب فى علاقاتك انك تتنازل شوية عن كرامتك
ومتحطش المصلحة الشخصية عنوان لعلاقاتك
... جرب تكون صديق لاخوك واختك ولمراتك
وابنك وبنتك ومصدر فرح وسعادة لابوك وامك
... جرب وانت راجع البيت اخر اليوم تقول لمراتك او امك
نفسك فى ايه اجيبه وانا جاى
... جرب تشوف رد فعلك وابنك فى خطر
وانت تعرف غلاوتك عند ابوك وامك
. لو سمحت روح اعترف لهم بفضلهم
... جرب مثلا تقول لمراتك انا هاشتغل مكانك يوم واحد .
وقتها بس هتعرف ان مراتك مكانها فوق راسك
... جرب تكون قد المسئولية العائلية مع بيتك واولادك
واهلك المقربين وشوف الفرق
... جرب تكون حياتك كلها تبشير بأسم المسيح
حتى لو منطقتش كلمة واحدة من الانجيل .
خليك انجيل معاش
... جرب تشبع من حب ربنا علشان تعرف تديه لغيرك
واعرف ان اغلب المشاكل متعلقة بنقص الحب
... جرب تصحى كل يوم وانت واخد قرار ان الله وارضاءه
هو هدف لكل عمل هتقوم بيه
... جرب تعمل قايمة بصلوات الناس واحتياجاتهم وانسى نفسك شوية
... جرب تشوف كل واحد فى حياتك انه المسيح ذاته
وعايز تاخد بركة من خدمته
... جرب تدور على اسرة غلبانة جدا وتقدر تساعدها ماديا وروحيا وخصوصا لوفيها اطفال
... جرب تكون زى المسيح للناس .. ابتسامة للحزين .
سند للمكسور . اب لليتيم . ظهر للضعيف
... جرب تفرح باللي معاك واتاكد ان اللى ربنا قاطعه من ناحية
. واصلها من ناحية تانية
... جرب تشبع جدا جدا من ربنا وخلى كل الباقى من حياتك عليه

[Mary Naeem]

جرب تفرح باللي معاك واتاكد ان اللى ربنا قاطعه من ناحية
. واصلها من ناحية تانية
... جرب تشبع جدا جدا من ربنا وخلى كل الباقى من حياتك عليه

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى