معجزات لشهيد المسيح بيشوي القمص دانيال

[بنت معلم الاجيال]

وصلت لنا هذه الرسالة وطلب عدم ذكر الاسماء ، انا مراتى بقلها 3 ايام محجوزة فى المستشفى والنهاردة احد المعارف بعتتلنا صورة الشهيد بيشوى وقالت حطوها عليها فعلا هديت ونامت ربنا يكمل الشفا لانها حامل فى الشهر التاسع وبتاخد ادوية صدر كتيرة جدا واسطوانة الاكسجين مبتشلش منها صلولنا ربنا يكمل شفاها علة خير وميكنش فى مشاكل على الطفل شفاعتك يا مفرح القلوب

[بنت معلم الاجيال]

حصل اختلاف وسوء تفاهم بينى وبين جوزى وقعدنا فترة بيعاملنى وحش وقليل مابنتكلم وبالصدفه فاتحه الفيس امبارح ولقيت صورة الشهيد بيشوى ف وشي كان ف حد منزل معجزة حصلت معاه بشفاعته قولت هطلب شفاعته دا ف ناس كتير حصل معاها معجزات ..انا اعرف الشهيد بيشوى من فترة بس للامانة متشفعتش بيه قبل كدة وحصلت المعجزة فعلا بمجرد مارجع جوزى من الشغل لقيته بيكلمنى عادى واكنى لمايحصل شى بينا شكرت ربنا والعذراء مريم والباباكيرلس والقديس بيشوى هو فعلا سريع الندهه

[بنت معلم الاجيال]

بدون زكر الاسم عاوزة انزل المعجزة انا حامل وعندي خراج فى درسى وكان الم شديد يومين متواصلين وطلبت من الشهيد بيشوى يشفينى لانى مينفعش اخد أدوية عشان الحمل وفعلا نمت والصبح خف الالم خالص اشكرك يارب واشكر الشهيد بيشوى

[بنت معلم الاجيال]

من غير اسم انا طالبة فى اولى صيدلة وعندنا مادة الاورجانك صعبة طلبت من الشهيد بيشوى انه يساعدنى فيها وانجح وفعلا وقف معايا وساعدنى وجبت تقدير عام جيد جدا