اول مااشتغلت دكتور..دخلت عليا بنت مغمي عليها اهلها شايلنها..كشفت عليها..البنت كانت لابسه فستان سهره وfull makeup..سالت حد مزعلها..سمعت خبر وحش؟؟ لا !!!حاولت افوقها بالطرق العاديه مابتفوقش خالص !!! قست ضغطها لقيته واطي خالص وسكرها كمان واطي..قلقت.. سحبتلها تحليل غازات فالدم... التحليل طلع حموضه شديده بالدم..اختلال مميت فالمعادن والاملاح الرئيسيه..!! ازاي ! وليه !! سألت اهلها بتتعالج من حاجه؟ قالولي ابدا ! جرينا بيها عالرعايه اهلها واصحابها في حاله ذهول !! بالعافيه قدرنا نخبي ذهولنا عنهم..بدأنا نشتغل..البنت مابتجيبش بول خالص ولا نقطه..مستوي السواىل فدمها بالسالب !وظائف الكلي في ارتفاع صارخ ! يانهار اسود كل ده فالبنت دي !
طلعت لصاحبتها.. فهمتها وماعرفتش اطلع منها غير بكلمه واحده "احنا اللي عملنا فيها كدا !". ساعتها الدنيا ضلمت قدامي..انتي بتقولي ايه؟!! قالتلي "ندي تخينه اوي..اوكانت تخينه..كانت فكل حته الناس بتتريق علي وزنها ماكنتش بتعرف تلبس زي البنات ولا بتعرف تتكلم وفاقده الثقه فنفسها دايما ..ماحدش رحمها حتي السواقين اللي يقولها ياحاجه واللي يقول يامدام..كان نفسها تحب وتتحب💏كل اللي كان بيكلمها عطفا عليها😢هي طيبه اوي ومن جواها طفله صغيره فاتحه قلبها لكل الناس..علي قد ماكانت فاتحاه علي قد ماتجرحت💘واتعذبت واتهانت💔😢قلتلها بس هي مش تخينه..وزنها مثالي !! قالتلي"الريجيم مكنش نافع مع ندي واهلها قسيوا عليها تريقه وحرمان م الاكل بطريقه وحشيه عشان مصلحتها بس طريقتهم واسلوبهم كانوا غلط.. لحد ماوصلوها انها تسمع كلام اي حد "
"بدأت تطبق نظم اكل ..حد نصحها تاخد ادويه سكر تنقص وزنها وتسد شهيتها..ياما خدتها واغم عليها..وسكرها وطي وهي مصممه كانت مابتاكلش خالص وكانت بتاخد ملينات عشان ماتحتفظش يأي حاجه جوا بطنها..!!"مؤخرا زودت جرعات الحاجات دي..كانت بترجع كتير اوي وعينيها بتزغلل. وتشتكيلي وماترضاش تروح لدكاتره تكشف!!!
"والنهاردة كنا ففرح واحد قريبنا هي كانت بتحبه وعايزة تبان فاجمل صوره قدامه زودت الجرعات قبلها فوقعت مننا اول مادخلنا الفرح😢ساعتها كل حاجه بقت منطقيه ومفهومه..البنت خدت محاليل وادويه كتير الكلي مابتتصلحش..اضطرينا نركبلها جهاز استعدادا انها تغسل كلي استعادت وعيها شويه..البنت من نظره عيونها كانها بتموت..بتستغيث !!! ندي كانت بتعيط وبتقولي "ماتزعليش انا كويسه حتي لو مت ايه يعني ..ده الموت حلو..عالاقل هتحرر من جسمي اللي فضل مقيدني وجايبلي الجرح💘 والحزن😢واروح مكان تاني احسن..اكون فيه طايره متشافه باللي جوايا..باللي فقلبي انا بس❤انا تعبت وعاوزه ارتاح.."
ندي دخلت الجلسه..بس عضله قلبها توقفت اثناء الغسيل..
#ماتت ندي💘ماتت بعد دخولها بتلت ايام💀ماتت وكل اللي حواليها بيعيطوا عليها😢وهي باصه عليهم من فوق وبتضحك😊بتضحك ان كل دول جايين يزعلوا😢 عليها دلوقت وهما ياما جرحوها💔ياما اتريقوا عليها وعلي شكلها وجايين النهارده يحزنوا !! بتضحك انها شايفه كل واحد علي حقيقته.. بعد ماخلاص عدي الوقت⌚خلصت ايامها فالدنيا👐اللي ياما ظلمتها وجرحتها وقسيت عليها💔
#ماتقسوش عالناس وسيبوهم فحالهم..الكلمه بيبتني عليها قرار والقرار ممكن يهد..ممكن يموت💘ممكن شخص ماينامش بسبب كلمه انت قلتها👄وممكن يموت نفسه💘
"كل واحد فيه اللي مكفيه مش لازم ييجي ويحكيلك بالتفصيل..الوش اللي بيضحك والجسم المثالي والحياه الحلوه..ممكن تكون مخبيه وراها عذاب والم مالهوش حدود💔اويكونوا مجرد جسد ممشوق..مسلوب الاراده عديم الروح💘
"ياصديقي..مهما كنت عادلا..فلن تستطيع ان تشعر ولو للحظه بما اشعر به..اعطني قلبك لكي تشعر بما اشعر..وعيناك كي تري ما اري..لحظتها فقط..تستطيع ان تكون عادلا.
