|
 |
 |
 |
|
|
|
رقم المشاركة : ( 1 )
02 - 09 - 2018, 07:50 AM
|
|||||||||||
|
|||||||||||
 ------------------------------------------------------------------- بالبلدى كده .. بص يارب ..بسمع اخبار انتقال كثيرة و منهم شباب زى الورد ..انا نفسي عدى عليا انتقال حبايب من العيلة و الاصحاب . .اتوجع اوى ..احس بكآبة ..احس انه كله باطل و كله رايح .. افكر شوية في توبة و شوية أن حيجى يوم و انتقل زيهم .. و ساعات تيجى معايا بخوف و رعب من أن ده يحصل لعيلتى و لا حبايبى و اصدقائى ..بانفعل .. بارتبك ..بخاف . .بتالم ..ببكى ..و اتحدف شوية في حضنك يمكن يومين تلاتة و لما حد قريب اوى زى امى يمكن شوية شهور على أصابع الايد الواحدة ..و هووووووب ...راحت ..و ترجع ريمة لعادتها القديمة .. نفس التوهان و اللخبطة و الانشغال و الغضب و السقوط و التفكير في المستقبل و تامين الحياة و الشغل ..نفس السلوك و الاندفاع ..اكيد ساعتها بغيظك و بتبقي بتضرب كف على كف منى ..اكيد بتبقي عاوز تصرخ فيا ..ليه كده ..مانت كنت ابتديت ..عاوز اصارحك ..انا من ساعة ما عرفتك يارب و انا بتاع بدايات بس ..ده اللى انا فالح فيه ...بدايات ...عند رأس السنة بداية ..في عيد ميلاد بداية ...أزمة و تعديها بداية ..فشل و تنقذنى بداية ..فراق و انكسار بداية ..حد سافر عندك بداية ..كلمة و لا وعظة عجبتنى بداية ..اب روحى اسرنى بداية ..بدايات بدايات و بس ..مع انك عاوزنى امشي في الطريق ..كل اللى فالح فيه احط ايدى على المحراث و هووووووب ابص لورا و يتعوج الطريق و يمكن امشي في دواير مقفولة ...سؤالى بقة يارب لحضرتك ..هو انا كده ارض ما فيهاش رجا ..هو انا كده ماليش في أبدية ولا ملكوت ؟! ما هو لازم تتصرف ..النية صدقنى موجودة و بحبك بس الشر اللى مش عاوز اعمله بعمله ..السما و الأبدية و الملكوت مش في دماغي ..مش بفكر فيهم ..كل اللى بفكر فيه ازاى اعدى الدنيا بأقل مشاكل و ازاى اربى بناتى و اصرف على بيتى و أنجح في شغلى و لو خدمت شوية اهى حاجة تخدر ضميرى ...بس بجد انا مش واخدها بجد ..انا عارف ان ميوعتى دى مش بتعجبك ..بس انا بحطها قدامك اهه علشان تحلها معايا ..اقولك حاجة و انا بقولك تحلها ببقي مرعوب يحسن تحلها معايا بوجع و لا تجربة ..بالبلدى كده يارب انا نفسي تحلها سلمى يعنى . . تتصور انا عمرى ما خطر على بالى القداسة و لا البر و لا انى اجاهد علشان اقتنى فضيلة ..يحللا طموحى انى بس اتوب و اتزق بس للابدية و تبقي كده معايا جبرت حتى لو في اخر صف ..كل ده معناه انى يمكن خايف منك ..انى لسه ما دقتش حلاوتك علشان اطلب الزيادة اللى قديسين كتير لما داقوها مسكوا فيك و نسيوا نفسهم ..ارجوك دوقنى حلاوة عشرتك ..اه كبرت بس سمعت من آباء ووعاظ مختبرين أن الوقت مش مهم و انك ممكن تعوضنى اللى فات ..بجد كل اللى نفسي فيه ادوق جمال محبتك ..اكيد ساعتها حمسك فيك اكتر . .اصل حكاية خوف م الموت ووجع تجربة كل ده عدى و ما تاخذنيش نحست و جلدى تخين و حاجة كده باردة .. طب ما تجرب معايا الطريقة دى ..ورينى مجدك .. حقول زى موسى ارنى وجهك .. خلينى احس ان الدنيا بجد نفاية زى بولس ..خلينى ابطل اندفاع عاطفي ورا احداث و تجارب لأنه اندفاع ما بيستمرش . ..و معلش لو فضلت طريقتك هى انك تجربنى و اتوجع اخاف بطبيعتى المخزية دى اضجر و اتذمر و تقلب الحكاية ... من فضلك انا طالب بجد المسك و احسك ..دى مش بتاعتى دى ..دى بتاعتك انت . .ما هو انت اللى رحت لزكا و لو ما رحتلوش و دخلت بيته و شافك بس من الشجرة اكيد كان رجع يبقي عشار تانى ..و انت اللى رحت للسامرية اكيد لو ما رحتلهاش لا كانت فكرت فيك و لا حتى في ان السجود شكله ازاى و الكلام اللى كانت بتهذى بيه .. ما انت قبلت تورى توما جراحك و لو ما شفش كان فضل في شكه .. ما هو انت اللى دعيت تلاميذك بسلطان ..فيك حاجة لما بتوريها بتمييز كده و بقصد اوى بتأسر اللى بيشوفك و يسيب كل حاجة و بيتبعك . ..انا يارب حطيت صوابعى العشرة من نفسي في الشق ..بس عشمى انك طويل البال اوى و حنين اوى و مش معقول تكون فديتنى و تسيبنى اترمى رمية الكلاب كده .. طب ادينى الفتات و حشبع .. ارجوك حل تحجر قلبى وبدله بلحمية تحسك و تتعلق بيك .. الوقت بيمر و الطبع غلاب ...حلها ياسيد ..بس برحمة لجل حبيبتك العدرا ..انا لا استحمل وجع و لا الم . .الخدوش اللى في حياتى و بصرخ و قالب الدنيا . .معلش خدنى على عقلى ..دوقنى بس محبتك كده و حاجة سماوية مشبعة كده و بنعمتك حتلاقينى وراك فريررررررررة بس جرب كده 
|
|
02 - 09 - 2018, 01:32 PM
|
رقم المشاركة : ( 2 ) | ||||
|
† Admin Woman †
|
رد: انا بتاع بدايات وبس
بس برحمة لجل حبيبتك العدرا ..انا لا استحمل وجع و لا الم .
.الخدوش اللى في حياتى و بصرخ و قالب الدنيا . .معلش خدنى على عقلى ..دوقنى بس محبتك كده و حاجة سماوية مشبعة كده و بنعمتك حتلاقينى وراك فريررررررررة بس جرب كده ربنا يبارك حياتك |
||||
|
|
|
03 - 09 - 2018, 07:50 PM
|
رقم المشاركة : ( 3 ) | ||||
|
..::| الإدارة العامة |::..
|
رد: انا بتاع بدايات وبس
ميرسي على مرورك الغالى  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| بخاخات البحر |
| انت بتاع ربنا مش بتاع حد |
| انت بتاع ربنا مش بتاع حد |
| ان المعجزات لا تباع وأن كانت فرضاً تباع |
| شدى وشك بحاجات من مطبخك.. |
العرض المتطور