|
 |
 |
 |
|
|
|
رقم المشاركة : ( 1 )
28 - 08 - 2018, 07:31 AM
|
|||||||||
|
|||||||||
|
أول مرة اكتب بوست ..
وانا غضبان .. يس مش متخيل اننا لحد دلوقتى .. لسة مش فاهمين .. ابحاث علمية ونظريات .. فلسفات ورؤية شخصية .. ابداعات ومشورات .. والنتيجة .. انهاردة .. المرأة اعظم كائن ربنا خلقه .. وبكرة .. الراجل هو اصل الخلق لأن من ضلعه .. خُلقت المرأة .. انهاردة .. خدى اللى يعرف قيمتك ويقدرك .. وبكرة .. ماتاخدش غير اللى تعمل لك قيمة قدام الناس .. انهاردة .. شغل البيت حاجة مايقدرش عليها الراجل .. وبكرة .. مسئولية البيت والأمان ماتقدرش عليهم الست .. وأجيال بتتربى على كدة .. حلو انك تعتز بنفسك .. بس وانت بتعتز .. ماتخليش نظرتك للتانى تهتز .. آدم وحوا .. الاتنين غلطوا .. آدم وحوا .. الاتنين اتطردوا من الجنة .. آدم وحوا .. الاتنين خسروا اكبر خسارة فى تاريخ البشر .. بس آدم وحوا كملوا سوا .. آدم وحوا اعترفوا بنقصهم والخليقة استمرت .. ماقتلهاش .. ولا هى سابته .. باختصار لأن الاتنين .. كانوا متساويين فى نظر بعض .. ولا كانت بتقارنه برجالة تانيين .. ولا هو بيقول لها شوفى اصحابك .. ولا كانت عاملة متابعة لصفحة .. يوميات زوجة مفروسة .. ولا هو كان بياخد التشجيع من صفحة .. يوميات زوج مطحون .. السر كان فى الدور بتاع كل واحد .. هو آدم .. وهى حوا .. هو آمان .. وهى معين .. هو مسئول .. وهى سند .. هو المواجه .. وهى ستر وغطا .. هو فى وش المدفع .. وهى فى ضهره .. ولو ع الواقع .. فيه امثلة ترفع الاتنين للسما .. وفيه امثلة تنزل بيهم الارض .. فى الام .. اللى عايشة دور الام والاب .. لأن الاب مهمل .. وفيه الاب .. اللى لولا انه مستحمل .. كان البيت وقع .. فيه الارملة .. اللى ماتجوزتش من كتر الوفاء .. بس برضه .. فيه اللى اتجوزت .. عشان تعرف تكمل .. مش عيب يعنى .. وفيه الارمل .. اللى كمل لوحده .. وفيه الارمل .. اللى اتجوز عشان يلاقى اللى ياخد بيده .. برضه مش عيب .. الست محتاجة حضن وطبطبة .. والراجل كمان محتاجهم لأنه مش صنم .. الست اقل حاجة بترضيها .. وفيه رجالة الـ ولا حاجة بترضيها .. الست عامود البيت .. بس مافيش بناء سليم بعامود واحد .. الست شايلة البيت والعيال .. والراجل شايل الست والبيت والعيال .. فى النماذج السيئة .. بلاش تعمموا .. لأنكم بتدوسوا .. ع اللى مش بيتكلموا .. والكلام ده حقيقى جدااا ... 
|
|
28 - 08 - 2018, 08:03 AM
|
رقم المشاركة : ( 2 ) | |||
|
..::| مشرفة |::..
|
رد: اسف زهقت
كلام جميل جدااا و واقعي
ربنا يفرح قلبك |
|||
|
|
|
28 - 08 - 2018, 08:04 AM
|
رقم المشاركة : ( 3 ) | ||||
|
..::| الإدارة العامة |::..
|
رد: اسف زهقت
ميرسي على مشاركتك الجميلة
|
||||
|
|
|
28 - 08 - 2018, 09:31 AM
|
رقم المشاركة : ( 4 ) | ||||
|
† Admin Woman †
|
رد: اسف زهقت
فى النماذج السيئة ..
بلاش تعمموا .. لأنكم بتدوسوا .. ع اللى مش بيتكلموا .. والكلام ده حقيقى جدااا ... ربنا يبارك حياتك |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| لحد ما زهقت و مشيت |
| اسف زهقت |
| زهقت |
| يااااااارب انا زهقت |
| انا زهقت من الدنيا |
العرض المتطور