أحسن 32 حاجه فى الحياه

[Marina Greiss]

أحسن 32 حاجه فى الحياه
1-
تحب.
2-
تضحك لدرجه ان عنيك تدمع من كتر الضحك.
3-
حمام دافىء بعد عمل يوم شاق.
4-
تستقبل جوابا تنتظره من فتره
.
5-
تدخل السرير فى عز البرد و تنام فى الدفا على صوت المطر.
6-
تجد الجاكيت اللى كان نفسك تجيبه بنص السعر
7-
تشرب كاكاو ساخن وانت بردان.
8-
تملأ البانيو وتحط فيه صابون وتنط.
9-
حد يقولك قد ايه انت جميل وهايل.
10-
تقعد تحكى وتتكلم مع صديق.
11-
تصحى الصبح بدرى عشان تروح الشغل تبص فى الساعه تلاقى لسه ان لسه قدامك ساعه تنام فيها.
12-
تحط ايدك فى جيب الجاكيت اللى بقالك سنه ملبستوش وتلاقى فيه 20 جنيه.
13-
تسمع اول كلمه حب فى حياتك.
14-
تجيب الكلب أو القطه اللى كان نفسك فيهم وتقضى وقتك كله وأنت بتلعب معاهم.
15-
تحلم حلم جميل.
16-
تتمرجح على المرجيحه اللى بتحبها.
17-
تدخل فيلم رومانسى مع حبيبك.
18-
تشوف الفرحه فى عيون صديق أو حبيب لما تجيبله الهديه اللى كان عايزها من زمان.
19-
تكسب فى مسابقه.
20-
تدخل المطبخ وتعمل الاكله اللى أنت بتحبها بنفسك وتستمتع بأكلها.
21-
تمسك ايد حبيبك.
22-
تقعد وقت الغروب فى وسط الغيطان وتتفرج على الساقيه.
23-
تلاقى حد يضحكك وانت دموعك على خدك.
24-
تقعد على البحر وقت الشروق.
25-
تلاقى حد يطبطب على ظهرك وانت متضايق.
26-
تشرب حاجه ساقعه قوى فى يو حر قوى.
27-
تلاقى حد ينظر لك النظره الخاصه اللى كنت بتتمناها.
28-
تلاقى حد يلمسك فى حنيه فى الوقت اللى انت محتاج فيه حنيه.
29-
تشرب حاجه سخنه وانت واقف تحت المطر.
30-
تاخد راحه وتتمشى فى الجنينه وسط الخضره.
31-
حد يعملك مفاجاه جميله.
32-
تصحى من النوم كل يوم الصبح تبتسم وتشكر ربنا على يوم ثانى جميل هتعيشه

[Mary Naeem]

شكرا على المشاركة الجميلة
ربنا يبارك حياتك

[Marina Greiss]

ميرسى يامارى على مرورك

[Haia]

ميرسى مارينا على هذه المشاركة الرائعة
وياريت لو سمحتى تغيرى (( تحط ايدك فى جيب الجاكيت اللى بقالك سنه ملبستوش وتلاقى فيه 20 جنيه.))
ب 20 دولار .
ميرسى حبيبتى

[Marina Greiss]

المشاركة الأصلية كتبت بواسطة haia

ميرسى مارينا على هذه المشاركة الرائعة
وياريت لو سمحتى تغيرى (( تحط ايدك فى جيب الجاكيت اللى بقالك سنه ملبستوش وتلاقى فيه 20 جنيه.))
ب 20 دولار .
ميرسى حبيبتى

طب مش لما اشوف ال 20 دولار بعينى الاول
هههههههههههههههههه
ميرسى ياهيا على مشاركتك الجميلة