|
 |
 |
 |
|
|
|
رقم المشاركة : ( 1 )
20 - 08 - 2018, 03:14 PM
|
|||||||||||
|
|||||||||||
 اوقات بتكون نفسيتك تحت الزيرو وبيكون وقت صعب اوى عليك ومش بيبقى قدامك غير انك تتخانق مع ربنا أنه بس يديك حضنه أو يطبطب على قلبك أو يطيب خاطرك اوقات كتير فى حالتك دى بتحسك مفصول عنه وبتحس انك بتكلم نفسك وأنه سادد ودانه عنك وبيسيبك تزداد سوء صحيح مش بتوصل معاه للخصام لكنك بتعدى مرحله العتاب وأوقات اللوم لكن بتفضل جواك متأكد انك مش هتهون عليه وأنه بيسويك بتفضل كدا لغايه ما توصل مع نفسك فى اعادات كتيره انك مش متساب عِند أو إهمال لكن متساب تشكيل واحلال وتجديد لما بتوصل للنقطه دى ساعتها بتشوف اللى مكنتش عارف تشوفه بتشوفه قريب اوى بتشوفه طيب وحنين اوى بتشوفه رقيق ومايتسحملش عليك الهواء بتلاقى طبطبه وحضن غير عاديين ومن غير ماتطلب بتلاقيه بيقولك انك تستاهل تتحب وكأنه محاوطك جوه دايره مقفوله بترابيس . بيفهمك انك موجوع وبتطلبه بس رافض تحس قربه ليك بيفهمك اد إيه مخك تخين ومش عارف تفكر وتحسبها صح . ربنا مش بس اب طيب لكن كمان ام حنينه وبيقدم اكتر من ما اى ام بتقدم وهو قالنا كدا ( على الايادى تحملون وعلى الركب تدللون كإنسان تعزيه امه ) يابختك لو عارف تشوف بابا احلى ماما لأنك هتعرف تشوف الدلع كله اللى ليك عنده صدق بس انك مهم وأنه قريب اوى لقلبك لو بضيق عليك فكر أن دا ممكن يكون احتمال رفضه للباب دا فبيقفلهولك بدل ماتفكر أنه مسدوده فى وشك وأنه بيعقدهالك صدق أن افكار ربنا ناحيتك افكار سلام افكار فرح افكار حب مش افكار شر . يابختك لو عارف تصدق أنه اطيب بابا واحن ماما 💗 على قلبى اعمل تاج لناس معينه معرفش ليه بس متاكده أنهم محتاجين الكلام دا قوة روحه القدوس تدى نعمه وعمل الكلمه فى القلوب 🙏 #شكراً_لزيارات_النعمه 💓 #شكراً_لانك_حبتنى 💕 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| زيارات النعمة للجميع |
| زيارات من النعمة ! |
| زيارات النعمة.. |
| زيارات النعمة |
| زيارات النعمة للجميع |
العرض المتطور