الناس اللي بتعرف تسند و تطبطب

walaa farouk · رقم المشاركة : ( 1 ) 23 - 05 - 2018, 07:13 PM

كل واحد فينا بتعدي عليه فتره بيبقي فاصل فيها عن كل حاجه .

. مبيحبش يخرج م البيت وحتي لما بيبقي ف وسط الناس بيفضل ساكت وسرحان و حاسس بوحده ف عز اللمه .. مبيحبش يرد علي الموبايل ومبيلاقيش كلام يقوله لحد ..
بيشوف الرسايل ويعمل seen وهو معندوش طاقه للرد
.. بيقفل علي نفسه الاوضه بالساعات ويضيع جزء كبير من يومه ف النوم .
. بيتعصب علي اتفه الاسباب و بيخسر كل يوم حاجه ..

الفتره دي مبنكونش محتاجين حد يناقشنا ف مشاكلنا ويسمعها او يحاول يلاقي حل
.. مبنكونش محتاجين كلمة معلش او كل حاجه هتبقي تمام ..
احتياجنا بيكون ل ناس تقبلنا زي ما احنا .. وتستحمل اللغبطه اللي بقينا فيها
.. ناس تعرف تسند وتدعم وتصبر .. تفضل معانا لحد الأزمه ما تعدي
.. والأيام تشهد ان مفيش ضيقه بتفضل للأخر .. كل الفترات الصعبه بتنتهي ..
بالصبر و الاتكال علي ربنا .
. و الناس اللي بتعرف تسند و تطبطب

Mary Naeem · 24 - 05 - 2018, 10:03 AM

والأيام تشهد ان مفيش ضيقه بتفضل للأخر .. كل الفترات الصعبه بتنتهي ..
بالصبر و الاتكال علي ربنا .
. و الناس اللي بتعرف تسند و تطبطب
ربنا يباركك

walaa farouk · 24 - 05 - 2018, 09:49 PM

ميرسى على مرورك الغالى الناس اللي بتعرف تسند و تطبطب