زوادة اليوم : شب أعمى

[souad jaalouk]

زوّادة اليوم: شب اعمى

بيخبرو عن شب اعمى قاعد عا جنب الطريق حدّو مكتوب آرمة زغيرة بتقول: ساعدوني انا اعمى و معو برنيطة الناس بيحطولو فيها مساعدة. كان مارق رجال من حدّو شاف انّو البرنيطة فيها مبلغ كتير زغير اخد الآرمة و غيّر الكلمات و مشي. هوّي و راجع لاقى البرنيطة انتلت مصاري. عرفو الشب من صوتو بس سلّم عليه و سألو شو كتب حتّى الناس تعاطفو معو هلقد. جاوب: انا ما عملت شي كتبت الشي الّلي انت كنت كاتبو بس بكلمات مختلفين! كتبت: "اليوم نهار حلو كتير بس انا ما بقدر شوفو"...
الكتابتين بيوَصلو فكرة انّو الشب اعمى بس التانية بتذكّر الناس بنعمة النظر الّلي هنّي عندن ياها و هوّي محروم منها! اشكرو الله عا كل نعمة بحياتكن يمكن ابسط الإشيا اللي منفكّرها تحصيل حاصل بوقت غيرنا ما عندو ياها، يمكن ناس ربنا حطّن بطريقكن انتو كنتو بحاجة الن، يمكن نيّة استجيبت...قد ما غرفتو نعم من قلب الرب ما تنسو تشكرو...الله معكن

[Ramez5]

مشاركة مثمرة
ربنا يبارك خدمتك

[walaa farouk]

ميرسي على زوادة اليوم

[Mary Naeem]

...قد ما غرفتو نعم من قلب الرب ما تنسو تشكرو...الله معكن

آمين يا رب