اوعي تكون شجرة تين

walaa farouk · رقم المشاركة : ( 1 ) 06 - 04 - 2018, 08:43 AM

اوعي تكون قدام الناس ( حلو وكويس وبتاع ربنا ) .. وانت قلبك مليان خطايا و ذنوب محدش شايفها
اوعي تكون لابس وش القداسه والطباع الملائكيه قدام البشر .. وانت مخبي جواك شرور عظيمه
اوعي تكون ف الكنيسه معروف انك خادم كبير ونشيط والكل بيحلف اسمك .. وانت مزعل ربنا وعامل بينك وبينه سدود ومسافات
اوعي تكون بتمثل ع الناس وعلي نفسك انك صالح و بار .. و كل الصلاح اللي بيبان ف اعمالك قدامهم مجرد تمثيل و أقنعه مزيفه
اوعي تكون بتصوم وتصلي وتقدم عشورك علشان تثبت لغيرك انك حافظ للوصايا وبتطبقها ف حياتك .. وانت مالكش علاقه حقيقيه ب ربنا
اوعي تكون بتكتب ع ال face أيات و ترانيم وصلوات ل الله .. وانت بقالك فتره موقفتش ورفعت ايدك ليه واتكلمت معاه ف مخدعك
انت مش بتضحك علي ربنا .. ولا ع الناس
انت بتضحك علي نفسك

زي النهارده لما السيد المسيح شاف شجرة التين اللي مليانه ورق أخضر وشكلها حلو من بره لكن مفيهاش ثمر .. لعنها .. لعنها لأنها مالهاش فايده ومجرد شكل ع الفاضي
خلي بالك لحسن تكون زيها ..
راجع حساباتك وشوف افعالك ..
صلي وجاهد وعافر ..
واستغل صبر ربنا عليك وحاول تتغير ..
بلاش تكون مجرد ممثل لابس قناع ..
بلاش تكون من بره هلا هلا .. ومن جوه .. يعلم الله !

Mary Naeem · 06 - 04 - 2018, 10:07 AM

واستغل صبر ربنا عليك وحاول تتغير ..
بلاش تكون مجرد ممثل لابس قناع ..
بلاش تكون من بره هلا هلا .. ومن جوه .. يعلم الله !

مشاركة جميلة جدا

ربنا يبارك حياتك

walaa farouk · 06 - 04 - 2018, 07:49 PM

ميرسى على مرورك الغالى مرمر اوعي تكون شجرة تين