الكبران النفسى

[walaa farouk]

كبير و صغير يعني إيه؟!!
مرات باشوف ناس بيتكلموا مع بعض و محموقيين قوي، و واحد بيحاول يفهم التاني حاجة مش داخله دماغه.. و باحس إن فيه مش بس اختلاف فمش عارفين يفهموا بعض، لا فيه حاجة أكتر
فيه واحد كبير في حتة وحاسس انه ما ينفعش ده يحصل، و التاني مش شايف و صغير فكل اللي فاهمه انه بيتهاجم و بيحاول يدافع عن نفسه.
يعني إيه كبير و صغير اللي مرات كتيير ملهاش دعوة بالسن ؟؟؟!!!
صيير يعني واحد ضيق شايف الدنيا من منظوره.، من المكاسب اللي متعود عليها، اللي يضايقه و يبسطه
وده نفسيا صغير زي العيال.......
فعلا الدنيا بالنسبه له هي نفسه و بتدور حوالين نفسه .....
و اللي يخصه و اللي يزعله و ازاي كلمناه كده......
و هو وهي بس، و رأيه هو الصح و المُنزل و لا يجادل .....
و مهما حاولت توري له انه فيه رؤية تانيه للموضوع.، فيه ناس تانيه، فيه ظروف تانيه، مش بيفهم و لا يشوف لانه صغير نفسياً. ده ما يمنعش اننا نكمل نحاول نعبر، و نفَهِم، و نشرح، لان ده ساعات اللي بيكبر لكن لازم ناخد في الحسبان عمر الشخص النفسي أو المشاعري لأن ده بيساعدنا نقبل و نفهم و نقدر و نسامح ............
الكبير زي ما تكلمنا كتير قبل كدة عن الكبران
واسع مش ضيق الأفق
شايف و بيحاول يفهم الآخر حاسس بايه، و بيبذل مجهود يعمل كده
مع إنه كبير ما بيقولش أنا كبير، لكن لسه بيحاول يكبر اكتر، ويسمع أكتر ويفهم أكتر ومتأكد إنه الاخر عنده حاجة هتساعده يكبر لما يفهمه و يستوعبه أكتر.
الكبير عارف و متاكد إنه معندوش كل الحق لكن بيحاول، و علشان هو في الرحله دي بيسمع و بيكتشف..
الكبير مش متاكد قوي من رأيه ولا حاسس إنه دايما عنده حق، لكن دايما عارف ومتاكد أنه .."الله اعلم"
الكبير سهل تتكلم معاه، جواه رؤية ليك و لظروفك و لمشاعرك و تفهم حقيقي.
بارتاح يمكن لما اشوف ناس تغلط غلطات كبيرة قوي، وأقول معلش لسه صغيرين مش فاهمين
لو كبر و عرف يعني ايه """"إنسان""""" وقوة وعظمة وتقل الكلمه ده
يعني إيه آخر .....
يعني إيه أقبل واعيش واحترم الاختلاف.
يعني إيه المهم فالأهم، يعني "الإنسان" قبل فكره، ومعتقده، وشكله، ولونه، وشطارته، وخيابته،
يعني الحب أهم وأقوي وأحق من الكره مهمها كان السبب
يعني إيه دوري ومسئوليتي وحدودي.
يعني محدش عارف كل حاجة، و لاحد وصي علي حد، و كلنا في رحلتنا الإنسانيه محتاجين بعض،
بنكبر، و بنتونس، و بنتغير ببعض....
مش قادرة أنكر أو ألغي حزني لما باشوف حد صغير، ومزنوق قوي في نفسه ....ورأيه إنه هو أهم ويعرف أكتر........ وهيصلح الناس كلها .......ولازم الناس تعامله ازاي و محدش يضايقه و يطلب منه حاجة أو يطلب منه يتغير .....التغيير زي ما قلنا سكة فيها باجرب أغير طريقتي و اتعلم من العلم و من الخبرات علشان أبقي أب وأم و زوج و زوجة أحسن،
التغيير سكة """أنا""" باختار أمشيها باغير كتير من أفكاري و اختياراتي و اسلوب حياتي تاخد زي ماتاخد المهم أنا ماشي و باتغير......

[Mary Naeem]

باختار أمشيها باغير كتير من أفكاري و اختياراتي و اسلوب حياتي تاخد زي ماتاخد المهم أنا ماشي و باتغير......
كبير وصغير يعني إيه؟!