البابا شنودة بطركنا سابنا وفارق أراضينا
ده حبه كان ساندنا وحكمته دايماً تحمينا
يسوع إلهنا حنين وبيمسح كل دموع
وبكرة معاه أكيد هين ومشيئته ليها خضوع
البابا شنودة وحشنا لكن جوانا إيمان
إنه فى السماء وشايفنا وبيصلى لينا كمان
يسوع إلهنا حنين وبيمسح كل دموع
وبكرة معاه أكيد هين ومشيئته ليها خضوع
البابا ميتعوضشى فى صفاته وضحكته
وغير ربنا منقولشى والخير هيرتبه
يسوع إلهنا حنين وبيمسح كل دموع
وبكرة معاه أكيد هين ومشيئته ليها خضوع
الرب حاسس ببكائنا وهيبعت راعى لينا
عشان فالجاى يرشدنا والبابا هيشفع فينا
يسوع إلهنا حنين وبيمسح كل دموع
وبكرة معاه أكيد هين ومشيئته ليها خضوع
إلهنا معانا حى وهيدبر هو مصيرنا
وهيرسم لينا الجاى ويختار بطرك ليعولنا
يسوع إلهنا حنين وبيمسح كل دموع
وبكرة معاه أكيد هين ومشيئته ليها خضوع
مشيئة الرب كانت وراح البابا لسماءه
الإنتخابات تانى عادت عشان يجى حد بداله
يسوع إلهنا حنين وبيمسح كل دموع
وبكرة معاه أكيد هين ومشيئته ليها خضوع
الصالح لينا أكيد متحدد كله بوقته
والرب لما يريد محدش فينا هيعارضه
يسوع إلهنا حنين وبيمسح كل دموع
وبكرة معاه أكيد هين ومشيئته ليها خضوع
بقلم / الشاعرة القبطية
كرستين ميلاد
