|
 |
 |
 |
|
|
|
رقم المشاركة : ( 1 )
04 - 01 - 2018, 07:40 AM
|
|||||||||||
|
|||||||||||
 آداب الزيارة للست اللي لسه والدة... - ما تتقلوش في الزيارة...خليكي خفيفة... ليه تروحي لواحدة لسه والدة سيزيرين و الجرح مبهدلها و تقعدي عندها ساعتين تلاتة؟؟ - بلاش استظراف و شغل اللطافة بتاع هو انتي لسه في التاسع واللا نسيوا البيبي في بطنك!!! بطن الولادة ما بتنزلش في 24 ساعة يا لذيذة يا برطمان العسل يا معجون النوتيلا يا سكر انتي... - جو " هو انتي لسه شوفتي حاجة " و " ده انت هتنسي اليوم اللي كنتي بتنامي فيه " و هتبقي قد الدبة القطبية في موسم الشتا.... كل دي قلة ذوق.. - التدخل ال over في تفاصيل البيبي مش حلو خصوصاً لو علاقتك بالأم سطحية... بلاش انتقادات...ممكن تنصحيها بطريقة ما تحسسيهاش بيها انها حمارة... - " ياااااا ايه الوحاشة دي؟!! " هو طالع اسمر لمين؟!! انتي حلوة هو طالع شبه مين.. عوضيها في البيبي الجاي!!!! تعوضها ازاي يا حيلتها؟؟؟! واللا اقولك هنروح نبدًلها بهاربر بنت ديفيد بيكهام و هنرجعلك هوا!!!! - بلاش تخلًي ابنك يبوس البيبي اللي لسه مكملش 3 ساعات من بقه الله يباركلك و لا يشده من دراعه و تضحكي ضحكة بلهاء و تقولي اصله بيحب الاطفال!!! خلًيه يمرمط اخته و قوليله يسيب اللحمة الحمرا دي في حالها. - بلاش استظراف في موضوع الاسم... سميتوه كده ليه؟؟! حرام عليكوا اسمها!! الكلام ده كله تبلعيه و تقفلي بقك و متقوليهوش...قولي ربنا يخلى و خلاص.. - هو ماله البيبي صغير كده ليه... ماله اصفر كده ليه... هو مش ملظلظ ليه... هو أقرع ليه... التساؤلات دي ان دلًت فتدًل علي معيار عالي من الجليطة تفوق كل التوقعات... قولي ربنا يخلى برضه مش هتتسخطي سحلية لو دعيتي للبيبي و قولتي للأم كلام حلو.. 
|
|
04 - 01 - 2018, 07:48 AM
|
رقم المشاركة : ( 2 ) | ||||
|
..::| الإدارة العامة |::..
|
رد: آداب الزيارة للست اللي لسه والدة...
قولي ربنا يخلى برضه مش هتتسخطي سحلية لو دعيتي للبيبي و قولتي للأم كلام حلو..
هههههههههههه طب بجد عندك حق |
||||
|
|
|
04 - 01 - 2018, 11:30 AM
|
رقم المشاركة : ( 3 ) | ||||
|
† Admin Woman †
|
رد: آداب الزيارة للست اللي لسه والدة...
قولي ربنا يخلى برضه مش هتتسخطي سحلية لو دعيتي للبيبي و قولتي للأم كلام حلو..
صح يا قمر ربنا يباركك حببتي |
||||
|
|
|
06 - 01 - 2018, 08:07 AM
|
رقم المشاركة : ( 4 ) | ||||
|
..::| الاشراف العام |::..
|
رد: آداب الزيارة للست اللي لسه والدة...
ميرسى لمروركم الغالى
 |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| يا رب إلمس اللي مستني لمسة |
| ايه اللي بيشد الراجل للست |
| تبا للشوق لا يعرف آداب الزيارة |
| الخمر آيات النهي عنها والحث علي عدم مخالطة من يدمنها |
| نصائح حتى لا تتحول الوسائد الهوائية في السيارة إلى أداة قتل |
العرض المتطور