اقفلها اكتر يارب

[walaa farouk]

فرحان لما بلاقيك بتقفل باب ورا باب.. كنت بخبط عليهم بالايام والساعات

.. وكانوا بيتقفلوا في وشي اوقات... بس كنت بحس ان القفله مش منك انت.

كنت بحس انهم مالهمش مزاج يفتحولي.. او هما مش مود كلام حلو وراحه.

.. بس لما احس ان الابواب دي مقفوله بأيدك برتاح...

بحس انك قفلت علشان انا صعبان عليك زلي من باب لباب لباب...

عارف اكتر صوت مابيخوفنيش هو لما انت ترزع انت الباب الغلط بايدك...

صوت رزعه الباب بتاعتك يارب تحس أنها حضن بس جامد شويه..

. عارف لما بتقفل ابواب زلاني بحس انك بتردلي كرامتي اللي انا هنتها بسبب احتياجي..

بحس انك بتقفل الباب وتخشلي جوه وتقف عليها اكنك مصلوب وفارد ايدك وبتقولي وانت بتزعق وعيونك مليانه حب

وتقولي ( الباب ده مش هانفتحه تاني انت فاهم) وانا ابتسم بدموع لاني حاسيت بحب حد حاسس اني فعلا مزلول

وكل همه انا وبس... اقفل يارب ابواب كمان وكمان ارزع في الابواب اللي مليانه زل واهانه.. انا عاوزك انت يا باب

الخراف.. انت الباب اللي عمره ماهيتقفل ولا عمر بابك كان مليان زل ولا عدم كرامه.. ده الواقفه بس علي عتبة بابك

احسن بكتير من قاعده مع ناس يجبوني الارض... اقفل الابواب يارب انا مش زعلان مدام بابك مفتوح... ارزع باب الذل في وشي وازرع باب الرحمه قدامي...ايوه فرحان انك قفلت كل الابواب اللي وراها موت... منتظر ابواب الحياه يا باب النجا

[Mary Naeem]

منتظر ابواب الحياه يا باب النجا
ربنا يباركك

[walaa farouk]

ميرسى على مرورك الغالى