الرب لا يفشل ابدا

[Ramez5]

ليه وعلشان ايه ؟
كنت فى يوم واقف فى الكنيسة مدايق و زعلان و حاسس انى مخنوق و بقول له يا رب " ليه " و فجأه جتلى رسالة
بتقول الرب لا يفشل ابدا
وقتها حسيت برعشة غريبة جوايه و قوية
حسيت ان ربنا مش ناسينى لكنه فاكرنى و عينه عليا
اوقات كتير بنقعد نطلب من ربنا حاجة و نصليله علشنها و بعدين ماتتحققش او تتحقق بس مش بالصورة اللى كنا رسمناها
و الناس انواع
فيه منهم اللى بيدايق جدا و يقعد يعاتب ربنا
و فيه اللى بيسلم حياته لربنا و يقول هو اللى شايف الأحسن فين لكن حتى النوع ده بيجيله احساس بالأختناق لما يلاقى كل حاجة ماشية مش زى ما هو عاوز
قال مره ربنا عايز كده و مره تانية كل ما يعمل للخير يعمل و مره تالته ربنا هو اللى شايف مستقبلى بس بعد فترة بيبتدى يسأل طب انت يا رب شايف الخير ده فين ... عايز اعرف حكمتك ... فهمهانى علشان اقدر اكمل و ما اقفش
لكن ربنا ما بينساش و لازم ديما نحط ثقتنا فيه مهما طالت الأيام و مهما زادت الصعاب زى ايوب اللى ما فقدش الثقة فى ربنا حتى آخر نفس لحد ما اخد اجره فى الآخر
اللى بيكمل فى الثقة هو اللى بيكسب اما اللى بيزهق بيخسر مهما كانت مدة انتظاره لكنه فى الآخر فشل . الكنيسة ماحكتلناش الا عن القديسين اللى ثبتوا الى النهاية لكن فيه ناس كتير اوى وقت الأضطهاد اتقدمو للشهادة و فى الآخر تراجعوا ... هل يا ترى دول خده ا كليل ؟
طبعا لا لأنهم فى الآخر سلموا و ما كملوش الطريق
انا ما بقولش ما نفكرش و ما ندورش حكمة ربنا فين على العكس ربنا ادانا العقل علشان نفكر بيه لكن لازم دايما نكون واثقين ان ربنا مش حيسبنا و لازم نفتكر انه هواللى وضب كل حاجة و عمل كل حلجة للاحسن
اللى بسدرس طب او صيدلة او اى مادة علمية بيشوف اد ايه ربنا خلق كل حاجة فى جسم الأنسان لهدف معين و ان الحاجة دى حتى لو كانت صغيرة جدا ما تتشفش بالعين المجردة برده بيبق ليها فايدة و منغيرها حجات كتيرة تقف
لو حد فضل عمره كله يحلول يصنع آله على مثال الأنسان عمره ما كان حيعرف يصنعها بالدقة دى فاذا كان اللى بيعمل المستحيل مل قدرش يوضبلنا حياتنا بالطريقة المثلى لينا يبقى مين اللى حيقدر؟
هو بس عايزنا تسلمله حياتنا يعمل فيها اللى هو عايزه
نعمل زى ما الرسل عملوا و زى ما المسيح قال لهم يعملوا ... راحوا يبشروا و هم مش وخدين معاهم حاجة خالص غير ربنا
ده حتى المسيح ذات نفسه ما كنش عنده حتى ينام فيها لانه كان مهتم اكتر بالخدمة
اللى عايز اقوله ان ربنا هو رب امبارح و النهاردة و بكره ... هو اللى شايف حياتنا من اولها لآخرها و اكيد هو اللى عارف الأحسن لينا فين فعلشان كده لازم نحط ثقتنا فيه و نبقى متأكدين لى god never fails الرب لا يفشل ابدا "

[walaa farouk]

فعلشان كده لازم نحط ثقتنا فيه و نبقى متأكدين لى god never fails الرب لا يفشل ابدا "

موضوع رائع يا رامز
ربنا يفرح قلبك

[Mary Naeem]

و نبقى متأكدين لى god never fails الرب لا يفشل ابدا "
ربنا يباركك