ناس علمتنا الخدمة

[walaa farouk]

عارفين الخادم اللى موضه قديمه 🤔
اللى داس عليه الزمن 😶
اللى ادانا و احنا فى كى.جى 🙄
اللى ميعرفش يعنى ايه فكك و اشطه و ..... 😌
اللى موبايله نغمته بولس ملاك
اللى تقريبا اغلبهم معندهمش فيس اصلا
اللى لو قابلته يفضل ساعه يسلم عليك و يسألك اذايك عامل ايه و اخبار بابا و البيت و اخواتك و عامل ايه فى الكليه و.......و........ و تتخنق منه
الخادم ده بيخدم و بيحبك من قلبه
دور كده وراه هتلاقيه عمره ما زعل او زعل حد فى الخدمه
هتلاقيه دايما الحيطه اللى بتستحمل اى حاجه وحشه فنظرنا هو بيقبلها فى الخدمه بفرح
هتلاقى كل دروسه بيحضرها من مراجع
كل تحضيراته مكتوووبه
بيصلى للدرس و للأطفال و للخدام كمان
فرحان جدا ان اولاده اللى اداهم فيوم
كبروا و بقوا خدام و بيتنططوا عليه 😑
الخادم ده اللى دخل الخدمه من تلاتين سنه و محدش سمعله صوت
الخادم ده اللى عمره ما كسل اسبوع او فكس للخدمه علشان عنده حاجه اهم
الناس دى الى علمتنا الخدمه بجد.. شكراً

...

[marit jesus]

ربنا يعوضك

[Mary Naeem]

الخادم ده اللى عمره ما كسل اسبوع او فكس للخدمه علشان عنده حاجه اهم
الناس دى الى علمتنا الخدمه بجد.. شكراً

[george_sobhi]

خدام هذا الجيل هما الانبا يؤنس اسقف اسقف الغربية اللى كتب بستان الروح وابونا بيشوى كامل وقداسة البابا كيرلس و قداسة البابا شنودة والانبا اثناسيوس مطران بنى سويف والانبا موسى اسقف الشباب والانبا اغريغوريوس والانبا متاوس وكان بيخدم مع الانبا اثناسيوس فى بنى سويف ربنا يبارك حياتهم

[walaa farouk]

ميرسى على مروركم الغالى