|
 |
 |
 |
|
|
|
رقم المشاركة : ( 1 )
13 - 08 - 2017, 06:34 AM
|
|||||||||||
|
|||||||||||
 إمبارح الساعه إتنين بالليل وانا راجع من الشغل كنت جعان جدا بعد ما قررت انى مش هاكل من بعد الساعه تسعه بالليل ، عديت على جاد شميت ريحة الشاورمه، بصراحه ماقدرتش امسك نفسي ، قولت فى بالى بلا رجيم بلا جيم بلا بتاع بقى ... قومت داخل جبت أربع ساندوتشات شاورمه لحمه يارب يكفونى بقى .. ماشى بيهم فى الشارع وانا هاموت من الريحه بتاعتهم ، شايلهم كأنى شايل إبنى خايف عليهم ياخدو شوية هوا يبردو ، كل شويه أبص ليهم وأقول خلاص هانت قربت أوصل البيت ، لغاية ما جبت آخرى بقى ماقدرتش أصبر ، عند باب البيت فتحت الكيس وطلعت ساندوتش هووب لاقيته وقع منى ، إتنرفزت جدا وإتعكننت سيبت الساندوتش ومشيت وانا عفاريت الدنيا كلها بتتنطط قدامى وبقول لنفسى التلاته الباقين مش هايكفونى ، دخلت الشقه وماصبرتش حتى أغير هدومى ، قعدت وفتحت أول ساندوتش كل ما أخد منه حته وأتلذذ بطعمها الحلو جداا وسخونة العيش وتوابل الشاورمه أزعل جدا على الساندوتش اللى وقع منى ، خلصت الأول وانا مستمتع بالطعم ، دخلت على التانى بس فى نص الساندوتش إستمتاعى بالطعم الحلو بدأ يقل تدريجى لغاية ما خلصت الساندوتش التانى وساعتها حسيت بالشبع بالكامل ومش قادر أفتح الساندوتش التالت إستغربت إنى شبعت من اتنين بس ، المهم ركنته فى التلاجه وتانى يوم بقى أسخنه فى المايكرويف وأكله ، طلعت أرمى الزباله ، لاقيت قطه نازله أكل فى شاورمة الساندوتش كإنها ماكلتش من سنه فاتت ، ساعتها بس عرفت حكمت ربنا .... أوقات كتير بنقدم على وظيفه وتروح لحد تانى او شغلنا فى التجاره نخسر عشان غيرنا كسب ... ربنا عارف ان اللى معايا هايكفينى ويزيد فا بياخد منى حاجه صغيره من ضمن عشرات الحاجات اللى معايا عشان تروح لحد غيرى هايشوفها كبيره جدا جدا ... حط فى دماغك حاجه مهمه جدااااا ، ربنا أبدا ما ياخد من إحتياجاتك ، ربنا بياخد من الزايد بتاعك عشان يروح لحد محتاج .. بقلم كيرلس_فتحى 
|
|
13 - 08 - 2017, 08:30 AM
|
رقم المشاركة : ( 2 ) | ||||
|
† Admin Woman †
|
رد: ربنا أبدا ما ياخد من إحتياجاتك ... (أحذر الشاورمه)
موضوع جميل يا رينا
|
||||
|
|
|
13 - 08 - 2017, 01:08 PM
|
رقم المشاركة : ( 3 ) | ||||
|
..::| الإدارة العامة |::..
|
رد: ربنا أبدا ما ياخد من إحتياجاتك ... (أحذر الشاورمه)
مشاركة جميلة يا رينا
ربنا يبارك خدمتك الجميلة |
||||
|
|
|
13 - 08 - 2017, 01:22 PM
|
رقم المشاركة : ( 4 ) | ||||
|
..::| مشرفة |::..
|
رد: ربنا أبدا ما ياخد من إحتياجاتك ... (أحذر الشاورمه)
رووووووووووووووووووووووعة
|
||||
|
|
|
14 - 08 - 2017, 04:25 PM
|
رقم المشاركة : ( 5 ) | ||||
|
† Admin Woman †
|
رد: ربنا أبدا ما ياخد من إحتياجاتك ... (أحذر الشاورمه)
ربنا بياخد من الزايد بتاعك عشان يروح لحد محتاج .. ربنا يبارك حياتك |
||||
|
|
|
16 - 08 - 2017, 05:20 PM
|
رقم المشاركة : ( 6 ) | ||||
|
..::| الاشراف العام |::..
|
رد: ربنا أبدا ما ياخد من إحتياجاتك ... (أحذر الشاورمه)
ميرسى لمروركم الغالى
 |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| ربنا ياخد احسن حاجة |
| متعملش حاجى ربنا بيكرها |
| لما ربنا ياخد منك حاجة بتحبها |
| متخليشي ربنا ياخد منك حاجة |
| الشاورمه بالفراخ و الشاورمه باللحمه |
العرض المتطور