تأملات فى سفر التكوين الاصحاح الثانى

[بنتك يايسوع]

تأملات فى سفر التكوين الاصحاح الثانى

الايه السادسه
وجبل الرب الإله ادم ترابا من الأرض ونفخ في أنفه نسمة حياة فصار ادم نفسا حية
ياريت كلنا نفضل فاكرين ان اصلنا شويه تراب ملهمش اى قيمه قيمتنا الوحيده ف نفخة ربنا فينا ف المعموديه واللى بيها بيحل الروح القدس فينا هي دي اللى بتخلينا غاليين جدااا مش فلوسنا ولا مكانتنا الاجتماعيه اصل كلنا جايين من نفس شويه التراب اللى اتعمل منهم ادم

الايه التاسعه
وأنبت الرب الإله من الأرض كل شجرة شهية للنظر وجيدة للأكل وشجرة الحياة في وسط الجنة وشجرة معرفة الخير والشر
ربنا عمل لادم كل الشجر اللى ممكن يخطر على بالنا كل شجره شهيه للنظر وجيده الاكل كل الشجر اللى يخلى ادم يشبع وميحتاجش لاى حاجه تانيه وجنب كلللللللللل الشجر ده خلق شجره واحده اسمها شجره معرفة الخير و الشر

الايه 16 و 17
وأوصى الرب الإله آدم قائلا من جميع شجر الجنة تأكل أكلا
وأما شجرة معرفة الخير والشر فلا تأكل منها لأنك يوم تأكل منها موتا تموت
ربنا قال لادم كل الشجررررر اللى قدامك ده تاكل منه براااااااحتك الاااااا شجره واحده وهى شجره معرفة الخير والشر اووووعى تاكل منها لانك يوما تاكل منها موتا تموت وده ربنا اللى بيقولك كده ياادم مش واحد صاحبك مثلا بيهزر معاك تخيل ربنا سايبلك كل الحريه ف كل الجنه تاكل زي ماتحب ف اى وقت وشجره واحده بس مينفعش تاكل كده ومسبكش على عماك لا قالك ونبهك بتحذير شديد اللهجه لو اكلت منها هاتمووووت ياترى ياادم صعب عليك تنفذ الوصيه البسيطه جدا دي ؟؟!!

الايه 18
وقال الرب الإله ليس جيدا أن يكون آدم وحده، فأصنع له معينا نظيره
ياه يارب انت حنين جدا برغم ان ادم مش اشتكى من الوحده ولا طلب منه ان يكونله نظيرلكن انت برضو فكرت فيه انت دايما كده يارب عارف احتياجاتنا الحقيقيه اكتر مننا وبتلبي احتياجاتنا من غير حتى ما نطلب منك

اذكروني فى صلواتكم
mrmr bent elbaba

[walaa farouk]

ميرسى على التاملات الجميلة
ربنا يفرح قلبك

[Mary Naeem]

ياه يارب انت حنين جدا برغم ان ادم مش اشتكى من الوحده
ربنا يبارك حياتك