روح لربنا وقوله على إللى تاعبك

[walaa farouk]

مهما اتكلمنا ،،، في حاجات مابتتقلش
ومهما كتابنا ،،،، في حروف مابتتكتبش
دايماً فيه حاجه جوه مابتطلعش
فيه وجع مابيبطلش وجع
فيه تعب مابينفعش يتقال
اصل بيبقى في نظر الناس مايصحش
وممكن يكون عيب او يطلع حرام ..
بس قدام ربنا انت كده كده مكشوف
لا هاتتكسف ولا هاتدور على حروف
قدام ربنا هايسمعك هايسمع الخناقه اللى دايره فى راسك
مش هايصدق سكوتك او هدوءك مش هاياخد بالصوره اللى بره اللى الناس بتشوفها او عايزين يشوفوها ، اصل ربنا بيحب العمق بيدخل جوه .. جوه احساسك
بين افكارك وحواسك بيحس بمشاعرك حتى بخيالك ..
قدام ربنا لازم تكون مرتاح عارف ليه علشان ربنا الوحيد اللى بيعذرك وبيقبلك زى مانت وف اى وقت وبأى شكل .. الوحيد اللى شايف كل عيوبك وكاشف القلب اللى جواك عارف طيبتك وكمان هزايمك ..الوحيد اللى بيستناك ولما بتبعد مش بيتخلى بيفضل معاك ..
روح لربنا وقوله ع اللى تاعبك كله
واستنى رحمته الواسعه استنى وانت واثق انه هايرحمك ويعوضك ..

[Mary Naeem]

مش بيتخلى بيفضل معاك ..
روح لربنا وقوله ع اللى تاعبك كله
واستنى رحمته الواسعه استنى وانت واثق انه هايرحمك ويعوضك ..
ربنا يفرح قلبك

[walaa farouk]

ميرسى على مرورك الغالى مرمر

[marit jesus]

ربنا يفرح قلبك

[walaa farouk]

ميرسى كتير على مرورك الغالى