أنت شايف ربنا إزاي!
كل واحد بينطق اللون بحسب الطريقة اللي أتعود ينطقه بيها، واحد يقول بنفسجي وواحد يقول موف وواحد يقول purple، ايا كان اللي هنقوله على اللون فهو في الأخر هيفضل نفس اللون، طبيعته كَلون مش هتتأثر ولا هتتغير،
نفس الفكرة مع ربنا لو قلت عليه جبار ..منتقم…رحيم…. مش هيتأثر، احنا بس اللي نظرتنا ليه بتتغير، ورغم كل الصفات اللي بنقولها عليه هو اختار أغلى وأجمل صفة، هو وصانا نقوله يا بابا!
بابا
كلمة بابا بتتقال للظهر، للسند، للشخص اللي بنعرف نجري عليه ونرمي عليه كل مشاكلنا، للشخص اللي يروح معانا المشاوير الصعبة، يفهّمنا اللي مش عارفين نفهمه، ينصحنا لما نكون محتارين، للشخص اللي بنحبه وبنحترمه، كلمة غالية أوووي، بتستخدم في العلاقات القوية المريحة اللي فيها أمان، كلمة بيقولوها الأولاد لأبوهم، وكمان بتقولها الحبيبة لحبيبها لأنها بتكون شايفه فيه كل الصفات دي، علشان كده لما هنتعامل مع ربنا على أنه أبونا ده هيخلي علاقتنا بيه فيها تواصل مريح وآمن، ومافيش أب بيكون بعيد عن أولاده أبدًا .. الطريقة اللي بنشوف بيها ربنا، هي دي اللي بتخلينا قادرين نتواصل معاه أو نبعد عنه.. افتكر انه شايفك ابن ليه.. أنت شايف ربنا إزاي!
21 - 06 - 2017, 10:19 PM
رد: قولوله يا بابا
العرض المتطور