|
 |
 |
 |
ربنا باعتلك رسالة ليك أنت
الرسالة دى تحطها فى قلبك طول سنة 2025
يالا اختار رسالتك من الهدايا الموجودة وشوف ربنا هايقولك ايه
|
|||||||
 |
|
|
أدوات الموضوع | انواع عرض الموضوع |
|
|
|
رقم المشاركة : ( 1 )
21 - 06 - 2017, 08:45 PM
|
|||||||||||
|
|||||||||||
 الموضوع بقا بايخ جداً أنا واحدة من الناس بقيت بخاف أقول لواحدة كلمة "عقبالك" علي أي حاجة في أي حاجة ... أحسن أبقا زي الطنطات الوحشين اللي مضايقينهم بمجاملاتهم العادية اللي ممكن متكونش في دماغهم تنغيص ولا تبكيت أصلاً وتلات تربعها بيطلع منهم بتلقائية وحسن نية وتعود مش أكتر ... ومع إني عمري في حياتي ما زعلت لما اتقالتلي ... بقيت بخاف أقول لحد كلمة "معلش" وهو مضايق عشان ميقولش جواه ولا يجري يكتب عالفيسبوك "أنا مش محتاج معلشة أنا باعرف امعلش نفسي كويس" مع إني ممكن ميكونش في إيدي غيرها أطبطب عليه بيها ومعنديش حل فعلاً لمشكلته وعمري ما زعلت لما اتقالتلي ... بقيت بخاف أسأل أو أطمن عن أحوال أي حد بأي شكل عشان ميتاخدش إنه فضول وحشرنة وتدخل في خصوصيات ... مع إني كل اللي يعرفني عارف عني كويس أوووي إن الفضول ده آخر صفة ممكن أتصف بيها.. بقيت بخاف أقول لأي واحدة حامل أي كومنت أياً كان ... ولا أسألها عن نوع البيبي كسؤال عادي ومنطقي وطبيعي ... عشان فيه ناس اختارت إنها تقعد تكتب بوستات طويلة عريضة عالفسيبوك تحدد للناس أشكال محددة للعلاقات ... وجمل محددة تتقال . ومين يقول إيه وإمتي ومين قليل ذوق لو قال إيه ومين حشري لو عمل إيه !!! بقيت بخاف أسأل أي حد مكلمتوش من فترة عن أي حاجة هتفيدني عشان ميتقالش بتاعة مصلحتها زي ما بيتكتب عالفيسبوك . مع إني بتبسط جداً لما ناس ممكن معرفهاش أصلاً ولا بيننا كلام أو ناس تانية مبنتكلمش من فترة طويلة يدخلوا يسألوني علي حاجة وأفيدهم أو حتي يدخلوا يفضفضوا بكلمتين واسمعهم ... عمري ما زعلت ولا قولت دول مصلحنجية ... ولا "يالا بعد السلامات ادخل عليا بكلمة باقولك إيه واطلب مصلحتك " انا كمان بقيت بخاف اقول لحد علي اي حاجة حلوة تخصه انها حلوة ولو من باب المجاملة وجبر الخواطر لاحسن لو بعدها ب ست سنين عربيته اتخبطت ولا حاجة هيقول اني حسدته أغلب البوستات الي بالمنظر دا بتخلي الناس تشيل من بعضها وتخاف تتكلم ... ومش فاهمة ليه كل الناس بقت روحها في مناخيرها وعايزة الكل يحسس عليها وكل واحد يعيش في فقاعته من غير ولا كومنت ولا هات ولا خد وبكتالوج للأفعال والأقوال المناسبة لنفوس حضراتهم الهشة الحساسة !! أي شخص سوي نفسياً المفروض مبيبالغش ... أي كلمة بتتقال له بيعديها أو بياخدها بحسن نية وبيكبر دماغه طالما الأسلوب كويس ... لا فيه كيد ولا مصمصة شفايف ولا إهانة ... وكلنا كبار كفاية ونقدر نفرق الأسلوب ... 
|
|
22 - 06 - 2017, 12:21 PM
|
رقم المشاركة : ( 2 ) | ||||
|
† Admin Woman †
|
رد: كفايكوا مبالغة بقا
أي كلمة بتتقال له بيعديها أو بياخدها بحسن نية وبيكبر دماغه طالما الأسلوب كويس ...
لا فيه كيد ولا مصمصة شفايف ولا إهانة ... وكلنا كبار كفاية ونقدر نفرق الأسلوب ... صح يا قمر ربنا يباركك حببتي |
||||
|
|
|
22 - 06 - 2017, 12:29 PM
|
رقم المشاركة : ( 3 ) | |||
|
..::| العضوية الذهبية |::..
|
رد: كفايكوا مبالغة بقا
أي شخص سوي نفسياً المفروض مبيبالغش ...
أي كلمة بتتقال له بيعديها أو بياخدها بحسن نية وبيكبر دماغه طالما الأسلوب كويس ... لا فيه كيد ولا مصمصة شفايف ولا إهانة ... وكلنا كبار كفاية ونقدر نفرق الأسلوب ... صح جدا ميرسى على المشاركة المميزة |
|||
|
|
|
22 - 06 - 2017, 04:04 PM
|
رقم المشاركة : ( 4 ) | ||||
|
..::| الإدارة العامة |::..
|
رد: كفايكوا مبالغة بقا
ميرسى كتير على مروركم الغالى  |
||||
|
|
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| خلف كل مبالغة صفعة خُذلان |
| خلف كل مبالغة صفعة خزلان |
| بلاش مبالغة !! |
| المرض في بيت كل واحد منكم ومن دون مبالغة |
| قيادي بـ«النور»: استقبال الرئاسة لـ«ساويرس» في المطار مبالغة غير مبررة |
العرض المتطور