خطوات 7تقربك لربنا❤
هي
1-حفظ كلام ربنا حفظ مزامير اصحاحات آيات كده تبقا أخدت خطوه علشان تقرب لربنا ليه لأن كلمه ربنا بتدخل جواك تعمل شغل عالي💪قوه خارقه...لأن كلمه الله حيه وفعاله😃
2-تعمل كل حاجه وأي حاجه علشان ترضي ربنا متبصش ترضي نفسك ولا ترضي الناس اهم حاجه ترضي ربناااا❤ 3-فكر في طرقك كل حياتك ازاي بقضي يومي وقت فراغي ليه بخاف ليه بقلق ليه انا تعبان وحزين ليه بفضل الاكل والشرب علي كلام ربنا ليه ربنا بينده عليا من سنين وانا مطنشه لازم في حاجه غلط في سكتي فكر في طرقك يعني بمعني اصح حاسب نفسك هتلاقي حاجات كتير معطلاك بتدي للتليفون وقت زياده للنوم للأكل للتفكير للتخطيط ده كله بيضيع وقتك بعد محاسبه نفسك هتقرر انك تتوب مش هعمل كده تاني
4-أجري بسرعه علشان تنال الملكوت جاهد بسرعه مفيش وقت تضيعه العمر بيجري كفايا الوقت اللي ضاع لازم تسرع شويه علشان مفيش وقت العمر قليل في اي وقت يجي الموت يخبط علي بابك خليك غيران غيره مقدسه غيره علي الصلاه علي فتح الإنجيل علي الخدمه وتنفيذ الوصايا علي التمثل بالمسيح والقديسين الغيره علي التوبه وافتقاد الناس
5-علشان تكمل الخطوه رقم 4لازم تنفذ ابدا بتنفيذ كل اللي قولناه ده لو وقعت قوم تاني وتالت لحد المره المليون قوم تاني.. لا تكونوا سامعين فقط خادعين انفسكم ... لازم تنفذوا مش تيجوا عند عمل ربنا ونشتغل بدلع لا لازم نجاهد يا احبائي علشان نوصل الملكوت مش ببلاش
6-شيل كل الهموم والاحمال سواء كان شغل ...فلوس...عيال..او أي حاجه ربنا هياخد باله من كل ده انت بس خلي كل تفكيرك ونظرك علي ربنا وسلم لي حياتك وربنا هيدبر كل امورك ...حبال الخطاه التفت عليا متبصش علي الحبال دي بس علي شريعه ربنا وكن واثقا انك ستنجو من كل مكائد العدو وربنا هيرفعك ويقويك دايما تمشي في طريقه
لما تيجي مشكله في شغلك في بيتك تزعق وتزعل وبتضايق ليه لأنك باصص علي حبال الأشرار مش باصص علي ربنا ركز علي ربنا وهتشوف العجب
7-اكيد كلنا بنسهر او اغلبنا وناس بتبقا مطبقين للصبح علي الفيس والسوشيال ميديا ناخد وقت في نص الليل من السهر ده معلش هنعطلك من الفيس شويه تقوم تكلم ربنا في نص الليل تشكره وتكلمه تفضفض شويه معاه احكيله كل حاجه هو عارف كل حاجه بس مستني يسمعك اشكره علي كل احسناته أفتكر قد ايه ربنا نجاك ووقف معاك اشكره علي نفسك اللي لسه شغال لحد دلوقتي انه مديلك فرصه تاني تتوب وترجع لي لما تصحي في نص الليل تقعد مع ربنا شويه ده تخليك تقرب لربنا تاخدها جري جرب كده تسبح ربنا قوموا يا بني النور لنسبح رب القوات ادخل في تسبحه الهوسات هتلاقي مودك بقا حلو جدا وانت مبسوط وبتسبح ربنا وطريقه تلحين الهوسات جميله جدا جربها وهتقرب لربنا اوي هتحس احساس جميل انت وجمب ربنا مش عارف تقرب لربنا قوله كده يا رب انا هجري ورا اللي بيجروا وراك همشي مع اللي ماسكين فيك هتمثل باللي بيتمثلوا بيك علي فكره انت تقدر بصلاتك تعمل زلزال بس انت اللي مش مقرب لربنا فكر وأتأمل شويه في ربنا وبكل جهدك حاول تطبق الخطوات اللي قولناها دي وربنا يبارك حياتكم
19 - 06 - 2017, 06:23 PM
رد: خطوات 7تقربك لربنا❤
العرض المتطور