كلمات لها اصل

[walaa farouk]

فى كلمات كتير بنقولها فى حياتنا اليوميه منها اللى نعرف معناها ومنها اللى منعرفش بس بعض الكلمات اللى عارفين معناها بنبقى عارفين معناها السطحى او العامى وممكن مننا ميعرفش اصلها
كان فى بعض الكلمات كنت محتاره فى معرفه اصلها مع انى اعرف معناها السطحى ....من الكلمات دى
(1)كلمه"كيلوباميه":اصلها الفرنسيه Qui est le premierبمعنى من الاول.
(2)كلمه"طز":اصلها تركى ومعناها الملح .. لان الملح كان ارخص سلعه لذلك اصبح المصريين يقولوا على اى حاجه تافهه طز
(3)كلمه"معلش":اصلها جمله ماعليه شئ ..كان يقولها القاضى لمن اخذ براءه
(4)كلمه"ياخراشى":اصلها يعود لعهد الدوله الفاطميه ..دا كان نداء لاول شيخ للازهر محمد الخراشى وكانوا بينادوه اذا وقع ظلم او مصيبه لحلها
(5)كلمه"سيس"الكلمه دى كانت محيارانى اوى ونفسى افهم معناها ومعناها بلح فاسد او اللى بيقع من النخل ولا ياكله احد ..لذلك تعنى الانسان اللى ملوش لازمه.
(6)كلمه"جدع":جاءت من الاجدع هى من اسماء الشيطان وهو تعبير عن المكر والنباهه التى يعتقدون تميز الشيطان بها
(7)كلمه"عبيط":اصلها فرعونى مكونه من كلمتين عا+بيت
عا معناها حمار
بيت معناها شخصيه ... اى تعنى حمار الشخصيه
(8)كلمه"ساده":اصلها فارسى معناها بسيط او طبيعى
(9)كلمه "هسكعك" كلمه اصلها فرعونى معناها هلصقك
كلمه سقاع معناها التصاق
(10)كلمه"شلق"اصلها فرعونى بكلمه "شلاك" تعنى يمتد او يمط
(11)كلمه "تنح"اصلها قبطى تعنى يستحى او يخجل
(12)كلمه"اهبل"كلمه اصلها يونانى معناها ساذج
(13)كلمه"هلس"اصلهايونانى من كلمه هليوس تعنى تلف
(14)كلمه "مرمطه"كلمه اصلها فرعونى معناها الم او وجع
(15)كلمه"مهيص "كلمه اصلها فرعونى "مهيوص" تعنى مملوء بالسرعه

[Mary Naeem]

(15)كلمه"مهيص "كلمه اصلها فرعونى "مهيوص" تعنى مملوء بالسرعه
كلمات لها اصل