الامومة مش سهلة بس فعلا مستاهلة

[marit jesus]

رساله من ام جميله 🤓
قبل ما اولد كنت بشتكي تعب الحمل. قالولي انتي لسه شفتي حاجة!
كان عندهم حق.. فعلا مكنتش شفت حاجة...⁉
مكنتش شفت اني هكتشف نوع حب جديد عمري ما عرفته..❤
اني هيتشد شعري ويتف عليا ويبقى على قلبي زي العسل...
اني هفرح لو شفت stool في البامبرز بعد امساك...💩😷
إن قلبي هيدوب لما اعرف ان انا اللي لما اشيلهم واحضنهم هتبطلو عياط...😢
ان حضنى هو الامان بالنسبالهم...
اني هركن السرير بتاعهم على جنب عشان عايزة انام في حضنهم واسمع نفسهم...
اني متحمسة جدا اشوفهم بيكبرو قدام عيني👀 وفي نفس الوقت بقولهم متستعجلوش عايزة استمتع بكل لحظة...
انهم هيبقو اول حاجة بتيجي في بالي لما اسمع اغنية حب...❤
إني عايزاهم احسن مني في كل حاجة...👍
إن موبايلي اللي عاش معايا سنتين عادي في شهر بقى memory full من صورهم...📷
إن لما بيطولو في النوم ببقى عايزاهم يصحو... والله بتوحشونى
إن لما بتضحكوا بتضحكلي الدنيا...🌝
إن طز في أي حاجة طول ما هما وباباهم معايا ...👪
إن اوقات بحضنهم عشان انا اللى محتاجه حضنهم
وان نظرة رضا وفرحه فعنيهم وقسما بربى بالدنيا كلها عندى❤
قالولي مش هتدوقي طعم النوم...😪
وكانوا صح... مبقيتش اعرف انام وهما مش في سريري وضماهم فحضنى ..
مبقيتش انام عشان بفضل طول الليل ابص عليهم واشم ريحتهم وأحمد ربنا عليهم وارقيهم وأدعي ربنا يخلينا لبعض...👭💏
مبقيتش انام عشان لو عيانين بسهر جنبهم اطمنهم وارعيهم...👀
مبقيتش انام عشان لما يحلمو ويتخضو اسمى عليهم واطمنهم❤
قالولي مش هتعرفي تعملي حاجة بيهم...
وفعلا مبعرفش اعمل حاجة واحدة الا وهما معايا...
مبقتش احس بمتعه اى حاجه الا وهما بيشاركونى فيها...👭
وان احلا وقت بنضحك من قلبنا لما بنلعب سوا 😻
الاهم من كل اللى فات
ان لما بداو يفهمو ويكبرو يوم عن يوم ....بدا حنانى ليهم ينعكس عليهم ناحيتى ❤
وبقو يخافو عليه
ويهتمو بيه على قد عمرهم واستيعابهم
ازرعوا فولادكم اللى بتتمنوا تلاقوه لما تكبروا
قالولي وقررت أصدقهم بس زي ما انا عايزة أفهم مش زي ما حبوا يفهموني.

[walaa farouk]

رووووووعة يا ماريت
انتى لسه شفتى حاجه