|
 |
 |
 |
|
|
|
رقم المشاركة : ( 1 )
11 - 06 - 2017, 04:16 PM
|
|||||||||||
|
|||||||||||
|
#الله يرحم أيام زمان ..# كلمه ممكن تسمعها كتير اوي الأيام دي ..خاصه من الناس الكبيره في السن .... هما عندهم كل الحق طبعا ..ليه بقي ؟؟؟ عشان أيامهم كان الحب الحقيقي مغرق الدنيا ومالي البيوت ولامم شمل العيله .وسايد ع الأخوات والقرايب والأصحاب. ....مع أن الفلوس كانت قليله جداااااا والفقر واخد وضعه. .بس كانت الناس دمها خفيف ومبسوطين..وراضيين. . أيام زمان كان فيه أصول وادبيات والتزام اكتر من الأيام دي ...والناس كانت تعرف كويس العيب اللي ما يصحش نعمله. . أيام زمان كانت البساطة فارضه سيطرتها ع الناس. . أيام زمان كان احترام الأستاذ اللي بيعلمنا في المدرسه أساسي ومفهوش فصال. .وعمل حساب للغفير النظامي اللي بيمشي في نص الليل وسط البلد ...دلوقتي ؟؟؟؟للأسف. أيام زمان كانت القداسه اكتر بالرغم من أن الانشطه الكنسيه كانت قليله. .أو قول ما كانتش خالص. والوعاظ في الكنايس كانوا يتعدوا ع الصوابع ..والخدام كان عددهم قليل.. .غير الأيام دي طبعا ... أيام زمان ما كانش حد يتكلم في وجود ابوة إلا بإذنه وبأدب وكان الابن يمشي خلف ابوة في الشارع مش جنبه كمان احتراما ليه .... دلوقتي شباب هذا الجيل مش مقتنع اصلا انه يروح مشوار مع ابوة ... أيام زمان كان فيه ناس عتاوله. وشباب حلوة .كانت بتظبط المايله.وتحل المشاكل اول باول قبل ما تتفاقم. . أيام زمان كانت فيه رجوله حقيقيه. وشهامه مبهجه. وصداقة ليها معني. .وكرم وسخاء في العطاء بلا حدود ..ونقاء في العلاقات واضح. . أيام زمان مكنتش تسمع عن مشاكل اسريه وفضائح. .زي الأيام دي ...بالرغم من عدم وجود معاهد مشوره في كل كنيسه. .وكورسات متخصصه هنا وهناك ...وما كانتش فتره الخطوبه سنه وسنتين زي النهارده ..وأحيانا ما كانش العريس بيشوف عروسه اصلا إلا في ليله العرس. . أيام زمان كان الأب آب ..والابن ابن ..والآم أم ..والاخ اخ .كل واحد عارف دوره. . النهارده ممكن تلاقي الأب ابن ..والابن واخد دور الأب ..والأخت أو الأم هي اللي في ايدها السلطااااااان كله والقرارات الإدارية والمالية والاجتماعيه بتاعه البيت .. أيام زمان كان الشباب بتوع ثانوي عام بيذاكر وا علي اللمبه الافرنجي. .أو علي نور العمود بتاع الشارع ...الأيام دي الحبايب بيقسموا السنه علي سنتين. .والمكتب واللمبه الموفرة والمروحه والا التكييف موجودين والدروس الخصوصيه المرهقة ..مع ذلك متزمرين ..والمجموع في الآخر مش اد كده. . أيام زمان اهلنا وابائنا واجدادنا كانوا بيغمزوا البتاو. .بحته جبنه قديمه..وكده رضي. ...مش زي الأيام دي خااااالص. ..اللي فيها كل أشكال واصناف المأكولات الشهيه..ومش نافع كمان..وبنفاصل في الأكل الصيامي وبندور علي جبنه صيامي ولانشون صيامي وكباب حله صيامي .. أيام زمان مكنتش تسمع عن حد أذى بنت في الشارع أوفي المدرسه أو في الكنيسه ...او أتعامل معاها معامله سخيفه. كله كان بيحترم بعضه .. أيام زمان كان الربع جنيه .ليه معني ..دلوقتي لو أديت طفلك جنيه يبصلك كده بصه حقيره ويضحك عليك باستهزاء . .طبعا عنده حق ...ها يعمل بيه ايه ؟؟؟؟؟ أيام زمان كان فيه تماسك اجتماعي اكتر والروابط الاسريه كانت بتلم الحبايب كل ليله .دلوقتي تقريبا تقريبا كل أسره عامله نفسها عيله ..وشكرا علي كده ... ايام زمان كانت حلوة...وبكره ها يبقي احلي لو ابتدينا نصلح ما قد افقدناه وافتقدناه. ..بس خلاص 
|
|
12 - 06 - 2017, 01:32 PM
|
رقم المشاركة : ( 2 ) | ||||
|
† Admin Woman †
|
رد: الله يرحم أيام زمان
ايام زمان كانت حلوة...وبكره ها يبقي احلي لو ابتدينا نصلح ما قد افقدناه وافتقدناه. ..بس خلاص صح يا قمر ربنا يباركك حببتي |
||||
|
|
|
12 - 06 - 2017, 05:09 PM
|
رقم المشاركة : ( 3 ) | ||||
|
..::| الإدارة العامة |::..
|
رد: الله يرحم أيام زمان
ميرسى كتير على مرورك الغالى مرمر   |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| هيفرحكم وهينسيكم أيام زمان |
| إن الله يرحم الكل و لكنه لا يرحم الظالمين فى ظُلمهم |
| فين أيام زمان |
| أيام زمان .. ياسلام على أيام زمان |
| الله يرحم أيام ما كنت بأستحمى وأقدر أنور نور الحمام |
العرض المتطور