|
 |
 |
 |
|
|||||||
 |
|
|
أدوات الموضوع | انواع عرض الموضوع |
|
|
|
رقم المشاركة : ( 1 )
27 - 05 - 2017, 03:06 PM
|
|||||||||||
|
|||||||||||
|
راهبات يخلعن ملابس الرهبنة من اجل الاطفال بعد سماعمهم خبر استشهاد اقباط دير الانبا صموئيل  البقاء لله للأخوة المسيحيين والأحساس مختلف !!! هقولكم ليه . النهاردة مراتي وبنتي وابني و ١٠٠ طالبة كانوا في رحلة لمدرسة نوتردام دي سيون ومعاهم الراهبات وفي اتوبيسات مكتوب عليها ( كلية نوتر دام دى سيون - راهبات قلب يسوع ) .. كان المقرر إن الرحلة دي ترجع إسكندرية بعد صلاة الجمعة اليوم وفجأة الأخبار باستهداف أتوبيس إلمنيا .. ودب الرعب والخوف .. عدد ٥٥ اتوبيسات متجهه من مطروح لإسكندرية عليهم عدد كبير من الراهبات و١٠٠ طالبة غير أولياء الأمور المرافقين .. الإحساس مختلف لما تحس إنك مهدد إن أهلك وأولادك حاليا في خطر .. ممكن يموتوا .. اه ممكن يموتوا ... وبدأت التليفونات والتشاورات - ناس تقول الراهبات يغيروا لبسهم ويقلعوا الصليب ( اقتراحات أهالي البنات خوفا عليهم ) - ناس تقول هاتوا ستيكرات وغطوا اسم الرهبنة من علي الأتوبيسات - ناس تقول باتوا النهاردة كمان - وناس تقول نرجع سوبر چيت المهم ... الراجل العظيم جدا جدا جدا مسيو ممدوح ... أخد بعضه وراح علي مدير أمن مطروح وقام السيد مدير الأمن بالتحرك وطمأنة الراهبات ووقف بنفسه لغاية ما ال ١٠٠ بنت يركبوا الاتوبيسات ويتحركوا لإسكندرية ومعاهم قوة تأمين مسلحة وعربيات شرطة أمام وخلف وبجانب أتوبيساتنا ... واستمرت رحلة القلق من مطروح لإسكندرية لغاية ما وصلوا جميعا بخير ... بس المرة دي الإحساس مختلف .. المرة دي شئ أكتر من التعاطف أو الحزن .. المرة دي أنت حسيت إنك أنت اللي ممكن تكون ضحية الأرهاب ... وعرفت إن هو ده الأحساس الواجب عليك تحسه فعلا مش مجرد تعاطف وتعازي ومواساة .. ربنا يصبركم جميعا مسيحيين ومسلمين ... مش عارف أشكر إزاي قوة الشرطة اللي صحبت الأولاد من مطروح لإسكندرية ... أنا كنت في استقبالهم مع مديرة المدرسة والراهبات باعتباري ممثل مجلس الآباء .. رحبنا بيهم وعجزنا عن شكرهم ما كناش عارفين نقول إيه ... الواحد كان الود وده يقولهم تعالوا باتوا عندنا ... أنا سمعت البنات داخلين المدرسة بيقولوا سالمة يا سلامة والحمد لله ما متناش. تحية للراهبات اللي اتحركوا في كل اتجاة لسلامة البنات تحية لمسيو ممدوح اللي قالي في رقبتي ١٠٠ روح هيوصلوا سالمين تحية للراهبات اللي قالولهم ادخلوا الفندق غيروا هدومكم قالوا مش مهم إحنا المهم البنات - تحية خاصة للأخت تريزينا وبيني بينها معزة كبيرة لما قلت لها أنتي كويسة قالت لي دلوقتي بس كويسة وأنا بشوف الأهالي بتاخد بناتها تحية للدموع المحترمة اللي شفتها خوفا علي أولادنا تحية للراهبات اللي عيطوا بعد ما وصلوا وقالوا دلوقتي نقدر نعيط علشان ما كناش نقدر نعيط قدام البنات علشان نفسيتهم الحمد لله علي كل شئ وربنا يسلم مصر وأهلها من الفتن والأرهاب والجهل .. الصور من مطروح لحظة السفر ومن إسكندرية لحظة الوصول شكرا Rim ElShazly اللي اتصلت بجدها في مطروح علشان يبعت حد يطمن عليهم بس هما كانوا اتحركوا شكرا Heba Hamed Hasanin علي السؤال المستمر أنا ما كتبتش أي حاجة علي الفيس بوك خوفا من استهدافهم لغاية ما رجعوا بالسلامة ربنا كريم     
|
|
| أدوات الموضوع | |
| انواع عرض الموضوع | |
|
العرض المتطور