انت لسه مافهمتش صح

Rena Jesus · رقم المشاركة : ( 1 ) 02 - 05 - 2017, 08:27 PM

لو انت شايف ان الصلاة وقراية الكتاب المقدس فرض عليك،
يبقى انت لسه مافهمتش صح، ليه الله ادانا الكتاب المقدس وعلّم تلاميذه انهم يصلوا!!

لما يسوع كان هنا على الأرض، الطريقة الوحيدة اللي كان بيتواصل مع الله الآب كانت الصلاة،
كان قبل أي خطوة أو حتى معجزة بيعملها كان بيصلي أو بمعنى تاني كان بيتكلم معاه..

لو انت بتحب حد هتدور على كل وقت فاضي عندك وهو اول واحد هيجي في بالك تكلمه ومش هيبقى وقت ضايع بالنسبة لك،
عادي ممكن تقعد بالساعة والاتنين بتتكلم ومش هتحس بالوقت وهو بيجري،
قيس بقى دا على علاقتك بربنا، لو انت مش بتتكلم معاه يبقى محتاج تراجع نفسك..
انت فعلاً بتحبه ولا الدنيا أخدتك وشغالتك عنه!