عاوز انسى يارب

[walaa farouk]

- ليه يا رب ما إدتنيش مع نعمة النسيان ، نعمة فقدان الذاكرة ؟!
+إنت عايز تفقد الذاكرة يا حبيبي ؟ :-)
-طبعًا .
+ إنت متأكد. ؟ :-)
-جدًا
+ يعني عايز تنسى كل حاجة ؟ :-)
- لأه طبعًا ..
+ طَب عايز تنسى إيه ؟ :-)
- عايز أنسى الألم ، الجرح ، الضعفات ، الأخطاء ، الذكريات المؤلمة والمؤسفة ..
+ عايز تنساها ، ولا عايز تخف منها ؟ :-)
- ما هو علشان أخف ، لازم أنسى !!
+الشفاء لا يعني بالضرورة أن تنسى على مستوى الذاكرة ، إنما أن تغفر على المستوى الوجداني :-)
- مش فاهم. !!
+ مش لازم تنسى إن فلان جرحك ، لكن المهم إنك تغفرله ، بل إن القوة هي إنك تكون مدرك وواع جدًا لخطأه ، ومتألم جدًا من جرحه ، ومع ذلك غفرلته :-)
- طب وعقلي ؟
+مش لازم ينسى ، لكن كفاية مايكونش مشغول وبيفكر وبيقيم محاكمات داخلية كل شوية للي جرحك :-)
-يعني ياربي سبب تعبي مش في ذاكرتي ؟
+ماخبيش عليك يا بني ، مشكلتك إنك بتنسى إللي مفروض ماتنسهوش ، وبتفتكر إللي مفروض ماتفتكرهوش :-)
-يبقا المشكلة في عقلي ؟
+المشكلة الأكبر في قلبك :-)
-يعني مش لازم أكبر دماغي ؟
+الأهم تكبر وتوسع قلبك حبيبي :-)
-بس مش قادر أنسى ؟
+مش لازم تنسى يا حبيبي .. المهم تسامح .. إفتكر للناس مواقفها الحلوة ، إلتمس لهم الأعذار ، ومع الوقت سأمنحك نعمة النسيان ، لكن هأسمحلك بأمور تفضل فاكرها مِنْ أجل منفعتك وحمايتك ونموك يا حبيبي

[ناردين]

جميل جدا
الرب يباركك يا غاليه ولاء

[walaa farouk]

ميرسي على مرورك الغالى ناردين

[Mary Naeem]

مش لازم تنسى يا حبيبي .. المهم تسامح

تحفة يا لولو

[walaa farouk]

ميرسى كتير على مرورك الغالى

[shery jesus]

جمييييبل جدا ..ربنا يبلركك يا لولو

[Rena Jesus]

الشفاء لا يعني بالضرورة أن تنسى على مستوى الذاكرة
ميرسى ربنا يفرح قلبك

[walaa farouk]

ميرسى على مروركم الغالى